مرتضى منصور بعد التحقيق مع قناة الزمالك: 200 مليون مشاهد كانوا بيتابعوني.. وأنا فدا البلد
علق المستشار مرتضى منصور، على فتح المجلس الأعلى للإعلام، تحقيقا مع قناة نادي الزمالك، بعد الشكاوى التي تلقاها المجلس بسبب بعض التجاوزات.
قال مرتضى منصور، خلال تصريحات في فيديو عبر صفحته: مش زعلان على حلقتي الخميس والجمعة، هتعاقبوا القناة ليه أنا اللي كنت بتكلم، و200 مليون مشاهد مصري وعربي كانوا أمام التلفزيون يتابعوا الحلقة.
أضاف منصور: لو فيه تجاوز كان ضد الإرهابيين والخونة اللي عاوزين خراب البلد، ولو فيه أي حساب ليس لدي أزمة، ولم أخطئ في حق أي حد محترم.
أنا أسد ولن أغير موقفي ومبادئي أبدا
أوضح رئيس نادي الزمالك: اللي مش عاوز يسمع حاجة ميتفرجش عليا، والحمد لله فشلت الدعوة للانقلاب اللي كان ضد بلدي، ولو حصلي أي حاجة هيكون عشان خايف على بلدي اللي أنا فداها.
وشدد في نهاية حديثه: الموضوع ليس أهلي أو زمالك الحلقتين كانوا في حب مصر، وهل التجاوز أني فضحت الخونة والمرتزقة؟ أنا مش زعلان ولا ندمان، أنا أسد ولن أغير موقفي ومبادئي أبدا.
وقررت لجنة الشكاوى واللجنة القانونية بالمجلس الأعلى لتنظيم الإعلام، فتح تحقيق عاجل بشأن تجاوزات قناة الزمالك، حيث تلقت شكاوى كثيرة من أطراف متعددة ومن لجنة الرصد بالمجلس حول مخالفات للأكواد الإعلامية، التي صدرت بموافقة جميع العاملين في الوسط الرياضي.
