يسرا في مهرجان القاهرة السنيمائي: حسين فهمي له مذاق خاص ورمضان المقبل مفاجأة
حرصت الفنانة يسرا على حضور مهرجان القاهرة السينمائي في دروته الـ 44 برئاسة الفنان حسين فهمي.
مهرجان القاهرة السينمائي
وأشادت الفنانة يسرا برئاسة الفنان حسين فهمي لمهرجان القاهرة السينمائي قائلة: حسين فهمي له مذاق خاص، وأول مرة تحصل رئيس مهرجان يمشي ويرجع تاني، مبسوطة لكل المكرمين، لبلبة تستاهلي كل تكريم، وفنانة كبيرة جدا وبتحبي شغلك، كاملة مخرجة جامدة، كمان من المخرجات المهمين سابوا بصمة في السينما والتليفزيون، في اتنين مكرمين من أهم الناس في الفن.
وهنأت يسرا المخرجة كاملة أبو ذكري بعد تكريمها قائلة: مش كتير عليكي التكريم، لإن بصمتك في الفن بقت كبيرة جدا تستاهلي، ولبلبة عشرة عمر، بتحب شغلها بشكل لا يتخيل، قلوقة جدا على شغلها، كل ده بيقول أنها فنانة مرهفة الحس، وخايفة على شغلها وبتحبه.
وأضافت يسرا: مهرجان القاهرة السينمائي ده مهم لأنه محطوط عالميًا في الخريطة، ولازم نحافظ على هذا الوجود، ككتاب، وممثلين، ومخرجين، ومهرجان القاهرة عريق ومهم وله أهميته في الخريطة العالمية.
كما أشادت يسرا بعملها مع المخرج جمال العدل قائلة: شغلي وحياتي الفنية تقريبا مع جمال العدل، بيخليكي تشتغلي في مناخ مميز، خلصت فيلم ليلة العيد، ومعايا باقة عظيمة من الفنانين كلهم أبطال، مفيش حد ينفع متذكرهوش، أبرزهم سميحة أيوب، سيد رجب، نجلاء بدر، وتدور أحداثه حول تمرد أي ست على أي ظلم تتعرض له، رمضان المقبل مفاجأة.
يسرا: فخورة بمشاركتي بـ فيلم الوثائقي الخاص بقمة المناخ
وتابعت: فيلم ليله العيد تدور أحداثه في ليلة واحدة، كما أشارت إلى سعادتها بعد ترميم بعض أفلام السينما المصرية، لازم أذكر كمان أنه تم ترميم أفلام مصرية في مهرجان البحر الأحمر، هذا ينعش السينما المصرية.
وعبرت يسرا عن سعادتها الشديدة بالمشاركة بالفيلم الوثائقي لمهرجان المناخ قائلة: فخورة لمشاركتي بفيلم قمة المناخ، من إخراج مروان حامد وإنتاج هاب ميديا، مصر عظيمة ودايما هتفضل قوية، قعدت أسجل فيه يومين، أحنا بننسي أننا بنحارب الطبيعة، لازم ناخد بالنا طريقة شربنا أكلنا وإلا هنفقد كل شيء.
