شريف مدكور: أرفض شروط حسين فهمي لملابس الفنانين في القاهرة السينمائي.. الفنانين مختلفين ويعملوا اللي هما عاوزينه
قال الإعلامي شريف مدكور: إنه يرفض الشروط التي وضعها حسين فهمي لملابس الفنانين في مهرجان القاهرة السينمائي بدورته الـ 44.
وقال شريف مدكور لـ القاهرة 24: أرفض الشروط التي وضعها حسين فهمي لملابس الفنانات في القاهرة السينمائي، لأن الفنانين مختلفين في كل حاجة وفي طريقتهم ولبسهم والمفروض يلبسوا اللي هما عاوزينه، أنا مع حرية اللبس، ولكن وضعت شروطًا للمحجبات فقط اللي بيظهروا في برنامجي أنهم يلبسوا فضفاض وما يلبسوش استرتش أو بدي لأن هما اللي اختاروا الحجاب فالمفروض يلتزموا به واللي بيرفض مش بيطلع برنامجي.
وكان شريف مدكور حدد مجموعة من الشروط خلال استضافة المحجبات في برنامجه، شارع شريف، مشيرًا إلى أنه يضع لهن شروطًا في ارتداء الملابس، مؤكدًا أنه يرفض أن تظهر أي فتاة محجبة في برنامج وترتدي ملابس تصف جسمها أو ملابس ضيقة.
وقال شريف مدكور في مقطع فيديو عبر حسابه بموقع فيس بوك: المحجبة اللي بتظهر في برنامجي لازم تكون لابسة ما لا يصف ولا يشف، وأي سيدة محجبة هتظهر عندي لازم تكون لابسة فضفاض وألوان مش صاخبة وبنطلون واسع، وصدرها مايكنش واضح آسف في اللفظ فخادها مش المفروض تبقى متفسرة.
وأضاف شريف مدكور: بقيت ألاحظ أن في ضيوف محجبات لابسين طرحة وبادي وهما ممتلئات شوية وكل جسمهم متفصل، وأنا بعرض صورة لمصر والمصريين وده ما ينفعش يظهر في برنامجي.
