هبة السيسي: مسابقات ملكات الجمال أصبحت ملهاش هيبة.. وهقدم برنامج قريبًا
كشفت الفنانة هبة السيسي سبب ابتعادها عن مجال التمثيل لفترة طويلة، بجانب الحديث عن مسابقات ملكات جمال مصر.
وقالت هبة السيسي خلال حوارها مع القاهرة 24: أنا ابتعدت عن التمثيل لأني أم جديدة، وابني عنده 7 شهور، ومكنتش فاضية أشتغل وأنا رجعت خسيت بعد الولادة وبقيت واثقة في نفسي وحاليًا هعمل برنامج قريب لأني عملت برنامج قبل كدا في لبنان وبحب عالم الإذاعة والتقديم التلفزيوني.
وواصلت هبة السيسي: أنا بقيت متماسكة نفسيا من الخبرة عكس زمان كنت بكتئب من أقل كلمة، وزمان ملكة جمال مصر كان لها هيبة ولما فزت باللقب مصر كلها كانت بتبارك لي، دلوقتي مفيش هيبة لـ ملكة الجمال، دلوقتي إحنا منعرفش مين هما ملكات الجمال والمسابقة أصبحت لا تمت بـ صلة للجمال.
هبة السيسي: مش بحب التريند
وسبق أن قالت هبة السيسي: أنا مش بحب التريند وماكنتش متخيلة أطلع تريند لكن في كل مرة بحضر مهرجان بلاقي نفسي بطلع تريند لأني بلبس فستان مختلف وفكرته جديدة، زي فستان مهرجان الجونة، فأنا ببدأ الموضة والناس بتقلدني.
واستكملت: لما اخترت الفستان جوزي قالي بلاش تلبسي صدر مفتوح لأنه بيضايق، والمصمم اختار لي الفستان كت وتحته هوت شورت فقلت له عاوزة فستان قصير، فأنا نيتي ألبس محتشم ولكن للأسف الإضاءة فاتحة جدًا مخلية البشرة كلها بلون، ومبينة أن الفستان شفاف لكنها الإضاءة لأن البطانة لون بشرتي.
