أنهيت الإضراب عن الطعام.. ننشر نص خطاب علاء عبد الفتاح لأسرته
قالت الناشطة منى سيف، شقيقة الناشط السياسي علاء عبد الفتاح، إنه أرسل جوابًا جديدًا للأسرة أبلغهم فيه بإنهاء الإضراب عن الطعام الذي دخل فيه قبل أيام.
وقالت منى، في منشور عبر حسابها على موقع فيس بوك: استلمنا جواب من علاء النهارده، مكتوب بتاريخ إمبارح بيقولنا إنه أنهى إضرابه عن الطعام وإنه هيشرحلنا كل حاجة في زيارة العائلة يوم الخميس، غالبا قلبي هيفضل يفط من مكانه لحد ما ماما وسناء يزوروه ونفهم كل اللي حصل الفترة اللي فاتت.
وبالأمس أعلن المحامي خالد علي، عضو فريق الدفاع عن علاء عبد الفتاح، أنه تلقى خطابا من علاء عبد الفتاح بتاريخ مؤرخ بـ 12 نوفمبر 2022، يكشف خلاله أنه بصحة جيدة، ويخضع لإشراف طبي.
وقال علاء عبد الفتاح في الجواب لوالدته: أنا من النهارده شربت مياه فإنتي تقدري تطمني تماما لحد ما تشوفيني بنفسك، والعلامات الحيوية النهاردة كويسة.
وتابع: هاتيلي معاكي MP3 وإنتي جاية في الطلبية الجاية، وبإذن الله يدخل.
وكان كتب خالد علي عبر صفحته الرسمية على موقع التواصل الاجتماعي فيسبوك: الحمد لله.. طلعوا جواب من علاء وسلموه للدكتورة ليلى سويف، والجواب مؤرخ بـ 12 نوفمبر 2022 وهو كاتب إنه كويس وتحت الإشراف الطبي وإنه بدأ اليوم يشرب مياه، يعني من يوم السبت، ومازلنا في انتظار تنفيذ تصريح النيابة لي بزيارة علاء من عدمه.
