لبلبة: طول عمري شايلة الهم إن الناس متسقفليش ومشتغلش لما أكبر
كشفت الفنانة لبلبة مخاوفها في المستقبل، مشيرة إلى أنها كانت خائفة من عدم التمثيل عندما تكبر في السن.
وقالت لبلبة خلال ندوة تكريمها في مهرجان القاهرة السينمائي: طول حياتي كنت بشيل الهم إني لما أكبر الناس متسقفليش ومشتغلش، وأمي وأبويا كنت بسمعهم بيقولوا إني بدأت أكبر ومش هشتغل.. قولت لهم أنتوا بتقولوا كدا؟.. أنا هفضل أشتغل وأضحك الجمهور.
وأضافت لبلبة: أنا مش هنسى وقفة يسرا وإلهام شاهين وليلى علوي في وفاة والدتي، وأنا لما كان عندي 13 سنة؛ استغربت أن أمي شغلتني في فيلم النغم الحزين، لأني كنت في مرحلة بكبر فيها، ولما كبرت وبقيت آنسة؛ قولت لأمي انتي غلطتي، ولكن بعدها عرفت أن عندها حق، ومكنتش ينفع اختفي فترة.
تجسيد حياة لبلبة
وعن تجسيدها قصة حياتها في عمل فني، أوضحت: مجموعة صوري وكل لبس لبسته في فيلم من أفلامي في مخزن.. أنا حطاه فيه محتفظة بدول.. مش عارفة لو جرالي حاجة وفارقت الحياة مليش ابن أو بنت يتكلموا عليا.. مليش غير أختي وأحفادي.. مش عارفة هيعملوا سيرة ذاتية ولا لأ.. افتكر إنه بلاش لأن السيرة الذاتية اللي كانت حلوة أم كلثوم.. قلت لأختي بلاش السيرة الذاتية، فلو هيتكلموا عليا.. في ناس محبش تيجي سيرتها.. افتكر أنه عيب.
