رانيا فريد شوقي: زوجي أجمل هدية من ربنا وماحصلش طلاق
حلت الفنانة رانيا فريد شوقي، ضيفة على أحد البرامج التلفزيونية، وتحدثت خلال اللقاء عن علاقتها بـ زوجها وتفاصيل أول لقاء بينهما.
ويعرض لكم القاهرة 24 أبرز تصريحات رانيا فريد شوقي التلفزيونية:
- قابلت زوجي في لقاء صدفة وبعدين مقابلات في تجمع أصدقاء، وبشكر سهير جودة إنها عرفتني عليه، ده أحلى هدية من ربنا.
- إيد لوحدها متسقفش، ونظرية إن الست بتفضل تعافر علشان الحياة تستمر صعبة، والحب أساسي بس ممكن يروح لو إنسان مش كويس مع مراته.
- أنا وطارق متفقان من أول الجواز إن مفيش طلاق، وأنا اللي اقترحت الفكرة دي، لأن هو بطبعه عاقل وراسي وبيحب شغلي ودي ميزة مش موجود في أي حد.
- بغير عليه ولكن هو مش بيديني الفرصة، وأنا اتعلمت من أمي إن مقدرش أحاسبه على حاجة هو معملهاش، ولكن أحاسبه على رد فعله، وهو محترم جدًا في نفسه.
- كلنا بنكبر ومش هنفضل طول الوقت صغيرين، وأنا بعتبر إن حلاوة الروح أهم من الشكل الخارجي.
- بابا كان بيقول إن اللي في القلب بيبان على الوش.
- أنا متغيرتش ولكن حصلي نضج وحكمة، وبقول سبحان الله على شخصيتي وأنا صغيرة، وأنا ملكة شراء الدماغ.
آخر أعمال رانيا فريد شوقي
تُعد حكاية أم لعيال هي آخر أعمال رانيا فريد شوقي التي لعبت بطولتها، وهي إحدى حكايات مسلسل زي القمر، وشاركها التمثيل كل من الفنان أحمد وفيق ومحمود عمرو ياسين ورضوى جودة.
