كاملة أبو ذكري: بهاء طاهر انبسط لما شاف مسلسل واحة الغروب
تحدثت المخرجة كاملة أبو ذكري خلال ندوتها في مهرجان القاهرة السينمائي الدولي في دورته الـ 44، عن علاقتها بالكاتب الراحل بهاء طاهر ومسلسل واحة الغروب ونصيحة المخرج يوسف شاهين.
قالت كاملة أبو ذكرى خلال ندوتها بمهرجان القاهرة السينمائي الدولي بدورته الـ 44: مسلسل سجن النسا عملت معالجة مختلفة تماما عن المسرحية، خدنا اسم العمل فقط.
وأضافت كاملة أبو ذكري: صنع الله إبراهيم وبهاء طاهر اتصلوا وقالوا أن هما مبسوطين من مسلسل ذات ومسلسل واحة الغروب، كان يهمني أوي أن يكون عندي ضمير، وكنت حاسة باللي هما عايزين يكتبوا، وبهاء طاهر مقابلتوش ساعة مسلسل واحة الغروب، خالد النبوي هو اللي قابله، ولكن انبسط بالعمل.
وعن مسلسل ذات، قالت كاملة أبو ذكري: كلمت مريم نعوم وقرأت الرواية ولقيت في سطر مكتوب أن عبد المجيد رجله اتكسرت من السيراميك، وضفنا ده في الحلقة.
تكريم كاملة أبو ذكري
كشفت المخرجة كاملة أبو ذكري عن سعادته الشديدة بتكريمها بمهرجان القاهرة السينمائي، إذ قالت: أنا مش عارفة أقول إيه، حلم كبير مش مصدقة إنه بيتحقق أو حاجة مكنتش في خيالي أصلًا، الحقيقة فيه امتنان وحب وتقدير لكل الفنانين اللي قابلتهم واللي آمنوا بيا وحتى اللي مآمنوش بيا وأثروا فيا، مشوار كبير وبشتغل من وأنا 16 سنة وعمري كله قضيته في السينما فيه عشق وفيه حب، مهرجان القاهرة كنت بحلم بس أدخله ودلوقتي أنا واقفة بتكرم.
