إنجي خطاب تبكي بعد مشاهدتها فيديو لشخص يعتدي على والدته: ربنا ينتقم منك ومن أمثالك
دخلت الفنانة إنجي خطاب، في نوبة بكاء، بعد مشاهدتها مقطع فيديو، لابن يعتدي على والدته، مؤكدة أنها لم تستطع تحمل هذا الجحود، متمنية أن ترحل عن هذا العالم لعدم تحملها بشاعة البشر.
وشاركت إنجي خطاب، مقطع فيديو عبر حسابها الشخصي بموقع انستجرام، وقالت: أنا لسه شايفة فيديو لابن عاق حيوان، بيضرب أمه العجوزة اللي عندها 90 عامًا، وبيقولوا إنها في قرية اسمها فاقوس أنا معرفش القرية دي فين ولكن أعتقد إنها في الأرياف.
بكاء الفنانة إنجي خطاب
وتابعت إنجي خطاب بأنها لم تستطع تحمل غدر وجحود البشر على أهاليهم، مردفة: أنا مش عارفة جبتوا القسوة والجحود والجبروت منين يا بشر، منين عايزين ربنا يرحمكم وأنتوا مبترحموش الناس ليه.
واستكملت: كل يوم اشوف حادثة للي بيضرب أمه ده أنا لو أمي صباعها الصغير اتعور مبنمش من الخوف عليها، أنا والدي متوفي بقاله 6 سنين عمري ما زعلته وماشي راضي عني، وعمر عيني ما اترفعت فيه كنت أتمنى يكون موجود وأخدمه أنتوا إزاى بتعملوا كدة في أهاليكم.
إنجي خطاب: اتقوا يومًا ترجعون فيه إلى الله
وواصلت إنجي خطاب حديثها قائلة: أنتوا مش ممكن تكونوا بني آدمين.. يا رب أنا تعبت مش قادرة استحمل واتفرج على الحاجات دي، أنا نفسيتي مدمرة بسبب القرف ده، أنا مش قادرة أعيش وسطهم، اتقوا يوما ترجعون فيه إلى الله.
واختتمت إنجي خطاب حديثها قائلة: كله إلا الابن العاق، هيتعمل فيك نفس اللي عملته في أمك، اللهم انتقم من القاسية قلوبهم، فوقوا خليكم بني آدمين ربنا مش هيرحمكم أبدًا، الوباء ده غضب ربنا عليكم حتى الأرض مش قادرة تشيل بني آدم ربنا ينتقم منك ومن أمثالك.
