والد ياسمين صبري: مكنتش بتحب الالتزام ولا الشغل
علّق أشرف صبري، والد الفنانة ياسمين صبري، على النصيحة التي وجهها الفنان الراحل محمود عبد العزيز، لابنته بشأن ابتعادها عن مجال التمثيل والعمل في مجال آخر، موكدًا أنه كان متوقع أن تترك المجال، بسبب عدم التزامها بالعمل.
والد ياسمين صبري: ياسمين مكنتش بتحب الالتزام
وقال أشرف صبري، في تصريحات تليفزيونية، إنه لم يزعل من نصيحة الفنان محمود عبد العزيز، لابتعاد ابنته عن الفن، مردفًا: مضيقتش، وأنا كنت متوقع هتشتغل شوية وهتشوف حاجة تانية.
وتابع أشرف صبري: ياسمين مكنتش مستقرة، لأنها أول ما بدأت كانت بتشتغل في مكتبة الإسكندرية، وكانت بتكون مضايقة أوي وبتقول مبيدُنيش حاجة أقولها طب اتعلمي، بس أنتي لسة طالعة واحدة واحدة.
واستكمل حديثه: تركت العمل بعدها، واشتغلت في شركة فودافون، وكانت تزوغ، وهي مش فاهمة هما بيجيبوا مكانها إزاي من التليفون.. كانت تقولي بيكلموني يقولولي أنتِ قاعدة في النادي.. كانت تقولي هما إزاي بيعرفوا مكاني.. هي مش بتحب الالتزام.. مش بتاعة قاعدة ومكتب وشغل.
وسبق، وأكد أشرف صبري، أن ابنته ياسمين صبري، لم تفضل الدراسة، وكان تهتم بالرياضة، مُعلقًا: ياسمين مكنتش بتحب المذاكرة خالص.
وأردف أشرف صبري: كانت في جامعة بيروت في الإسكندرية، والعميدة بتتواصل معايا بسبب غيابها عن الجامعة وتروح تلعب رياضة، وهيحصل فصل.. روحت علشان ألحق أصلح الموقف، خصوصًا أنها كانت بتتفصل مرتين في السنة.
