هالة صدقي لـ القاهرة 24 عن تكريم لبلبة بمهرجان القاهرة: المفروض تدخل موسوعة جينيس
حرصت الفنانة هالة صدقي على تهنئة الفنانة لبلبة بعد تكريمها في مهرجان القاهرة السينمائي بدورته الـ 44، حيث تم منحها جائزة الهرم الذهبي التقديرية لإنجاز العمر، تقديرًا لمشوارها الفني الكبير، والذي تنوع ما بين المسرح والسينما والتليفزيون والاستعراض، واستطاعت من خلالها حجز مكانة خاصة لدى جمهورها في مصر والوطن العربي.
وقالت هالة صدقي لـ القاهرة 24: لبلبة تستاهل التكريم لأنها من العمالقة وتاريخ قديم والمفروض تدخل موسوعة جينيس لأنها بدأت من وهي صغيرة لحد ما كبرت.
من ناحية أخرى، كشفت الفنانة هالة صدقي سبب غيابها عن حضور فعاليات مهرجان القاهرة السينمائي بدورته الـ 44 هذا العام، موضحة أنها لم تستطع حضور الفعاليات لانشغالها في تصوير مسلسلها الجديد مع الفنان محمد رمضان وهو مسلسل العمدة المقرر عرضه في الماراثون الرمضاني 2023.
وكشفت هالة صدقي رأيها في شروط حسين فهمي لملابس الفنانات في مهرجان القاهرة السينمائي قائلة: اللبس حرية شخصية؛ لأن كل إنسان بيختار المستوى بتاعه، وشكله قدام الناس هيظهر إزاي، وحسين فهمي مش بيعلم الفنانات لكنه بيركز إزاي يعالج الإعلام اللي بيهتم بالملابس والجانب التافه فقط، مستكملة: طول عمري بألبس عريان براحتي بس مش في الأماكن اللي فيها كاميرات؛ لأني مش عارفة المصور هيصورني من أنهي زاوية، ولازم أحترم المكان اللي أنا فيه لأن كل مكان وله لبسه، واللي بتلبس عريان حرة لأنها شايفة إن شكلها حلو ولكنها بتحط نفسها في مربع معين.
