رضوى الشربيني تكشف حقيقة إجرائها عملية تجميل
كشفت الإعلامية رضوى الشربيني حقيقة إجرائها عملية تجميل، مؤكدة أنها معلومة ليست لها أي أساس من الصحة.
وردت رضوى الشربيني على الانتقادات التي تتعرض لها بشأن عملية التجميل، وذلك من خلال برنامجها إنتي وبس، حيث قالت: كذا حد بعت للبرنامج يسأل، رضوى إنتي نفختي شفايفك فين؟، فقررنا نعمل حاجة جديدة في حلقة النهاردة، وأطلع من غير روج.
خلطة رضوى الشربيني
وتابعت رضوى الشربيني حديثها عن تحضيراتها قبل كل حلقة، إذ قالت: أقولكم الخلطة اللي أنا بحط منها قبل ما اطلع الهواء، وهي شطة، فازلين طبي، زيت لوز حلو، قرفة، وفي ناس تحط عليها الجنزبيل.
وأثارت الإعلامية رضوى الشربيني جدلا واسعا بسبب تصريحاتها، وتصدرت تريند محركات البحث في جوجل، حيث تعد واحدة من أهم الإعلاميات المدافعين عن حقوق المرأة، ومؤخرا وجهت رسالة للفنانة شيرين عبد الوهاب بعد عقد قرآنها على حسام حبيب، إذ قالت: حسام ما غلطش ولو بكلمة واحدة في حق شيرين، أخوها هو اللي طلع، وقال كلام مش كويس في حقها وحق حسام، وبعدين إحنا مالنا ترجع لحسام أو ما ترجعش اللي يشيل قربة مخرومة بتخر على دماغة مش على دماغنا إحنا، قفلي على مشاكل بيتك، إنتي مش إنسان عادي، إنتي شخصية مشهورة تهمي كل جمهورك، واللي ما تعرفش تفاصيل كتير عن قصة شيرين وحسام هتشوف شيرين ست بلا كرامة ولو بتحبك ومتأثرة بيكي جدا هتعمل اللي إنتي عملتيه بالظبط.
