خالد الجندي: الشيطان بيرش سكر على العلاقات الحرام.. وبيفسد الحلال
قال الشيخ خالد الجندي، عضو المجلس الأعلى للشئون الإسلامية، إن إبليس أكبر عدو للإنسان، لذلك يعمل على تزيين المعاصى له، حتى يستمر فيها، موضحًا: "تلاقي واحد وواحدة عاملين علاقة في الحرام تلاقيهم حاجة في منتهى السعادة، ليه عشان الشيطان بيحلي لهم المعاصي وبيرش لهم عليها سكر وعسل، أول لما يتزوجوا في الحلال تلاقي المعارك اشتغلت بينهم ليه عشان هنا في حلال هي تشوفه قرد وهو يشوفها حاجة وحشة".
ترك الصلاة على الزنا على القمار
وتابع الجندي، خلال حلقة برنامج "لعلهم يفقهون"، المذاع على فضائية "dmc"، اليوم الثلاثاء: "الشيطان شغله إنه يخليك عاصي، لو أنت لذة المعصية موجودة فى جوفك يبقى أنت عندك مشكلة في مقومات القرآن، لو لقيت المعصية مرة زي العلقم يبقى أنت كده فى الإيمان، لما تشعر بمرار المعصية ربنا هيزين قلبك ولسانك لا يطاوعك للمعصية عشان ليك خاطر عند ربنا، وتلاقي العاصي المعصية عنده تقيلة على قلبه جدا".
واستكمل خالد الجندي عضو المجلس الأعلى للشئون الإسلامية: "تلاقي الولد يقعد يتفرج على الماتش بالساعات وصلاة العصر عنده أثقل من جبل أحد، وهذا أمر خطير، الشيطان معاه علبة سكر شيطانية يرش لك سكر على ترك الصلاة على الزنا على القمار، على خدش الحياة والأعراض، وبالتالي تشوف الذنب، وهذه علامة عدم إيمان".
