نهى العمروسي عن أزمة منة شلبي: مريت بنفس التجربة.. ولما حللولي ملقوش في جسمي نيكوتين
حرصت الفنانة نهى العمروسي على توجيه رسالة دعم إلى الفنانة منة شلبي بعد القبض عليها في مطار القاهرة أثناء عودتها من رحلتها بالولايات المتحدة الأمريكية، وذلك بتهمة حيازة مخدرات.
نهى العمروسي: منة متستاهلش يتحبس حريتها
وقالت نهى العمروسي لـ القاهرة 24: متأكدة أن منة متستاهلش أي حاجة ولا سجن ولا إن حريتها تتحبس وبدعي لها ولأمها يقويها ويديها القوة لحد ما تطلع من أزمتها ويا رب تقبل الأزمة والكرب وتكون متأكدة أنه امتحان من عند ربنا.
وروت نهى العمروسي تجربتها مع نفس الأزمة، حيث اتهمت عام 2014، بحيازة مواد مُخدرة وتم القبض عليها، وحبسها على ذمة التحقيقات لمدة 15 يومًا، ولكن أُخلي سبيلها فيما بعد.
نهى العمروسي: اتعرضت لنفس التجربة القاسية
وقالت نهى العمروسي: أنا اتعرضت لنفس التجربة القاسية دي وكنت مظلومة واتعمل لي اختبار دم، وملقوش حتى في جسمي نكوتين، والقاضي برأني، وكانت تجربة قاسية جدًا وكان فيها معاناة وكرب وحزن ومنتهى الألم والوجع لأن الواحد لما يكون مظلوم بيتسرق حريته ولكن ربنا أداني القوة رغم لحظات الضعف، ولكن التجربة دي كانت محنة اتحولت لمنحة لأنها قربتني من ربنا ومن نفسي وشفت في التجربة حاجات كان عمري ما هشوفها لولا التجربة دي.
واختتمت نهى العمروسي حديثها قائلة: بقول لمنة ربنا يقويكي وهتعدي منها وسجلي كل حاجة بتقابليها علشان أنتي بني آدمة عميقة وهتطلعي منها أقوى وأعمق وأقوى وأنا بحب منة جدًا لأنها متوازنة والنجومية مغيرتهاش وعمرها ما كانت مغرورة وحقيقية وبحبها من صميم قلبي لأنها نضيفة جدًا.
