سوسن بدر: والدي قاطعني بسبب دخولي مجال التمثيل.. والفن موهبة هنتسأل عليها
تحدثت الفنانة سوسن بدر عن بدايتها الفنية، موضحة أن والدها قاطعها بسبب تحويلها من كلية العلوم إلى المعهد العالي للفنون المسرحية.
وقالت سوسن بدر، في ندوة تكريمها على هامش فعاليات الدورة السابعة لمهرجان شرم الشيخ الدولي للمسرح الشبابي، إن والدها قاطعها لفترة بعدما حولت من كلية العلوم إلى المعهد العالي للفنون المسرحية، مضيفة: والدي كانت علاقتي بيه مميزة، واستسلمت للأمر ولكنه قاطعني وكانت مقاطعتي دي بتقتلني، لحد ما اقتنع أن بجد مش هعرف أعمل حاجة تانية، وأنه لو منعني عنها بسبب خصامنا هيدمرني، وبدأ يستسلم وهو يراقبني لحد ما بقى مبسوط.
تكريم سوسن بدر من مهرجان شرم الشيخ
كما تطرقت سوسن بدر، للحديث عن التطور الحضاري، وحرصها الدائم على تسليط الضوء القدماء المصريين، قائلة: إحنا مش ضد الحضارة ولا ضد أي حاجة حديثه، ولكن ضد أي حاجة تلغي هوايتنا.
وتابعت سوسن بدر: الفن مش ترفهي بس، وكمان من ضمن مهام الفن إنه يتطور في المجتمع والإنسان، وربنا إدانا موهبة هنتسأل عليها.
وواصلت: النهاردة لما بشوف أن طفلة عندها خمس سنوات، توقفني، وتقولي إنتي إللي بتلبسي طرحه زرقاء، وبتتكلمي عن التماثيل الكبيرة، قولتلها دول اسمهم المصريين القدماء، ده بالنسبالي الهدف إللي أنا عايزاه.
