عمرو رمزي: فشلت في السينما وبكلم الفنانين مش بيردوا عليا
تحدث الفنان عمرو رمزي، عن فشله في السينما وهبوط فيلم خاض تجربته سابقا، إلى جانب حديثه عن موقف تعرض له مع الجمهور أثناء عرض هذا الفيلم.
عمرو رمزي يتحدث عن فشل تجربته في السينما
وقال الفنان عمرو رمزي في تصريحات تلفزيونية: كنت عامل نفسي ونجم ورايح أتابع الإيرادات بتاعت فيلمي وكنت واقف قدام السينما بس بعيد شوية جت ناس تتصور معايا فبقولهم عجبكوا الفيلم فقالولي فيلم إيه؟ قولتلهم الفيلم ده بتاعي اللي صورته ورايا قالولي لا إحنا بنتصور معاك علشان بنحبك وعلشان مسلسل فرقة ناجي عطا الله وحيلهم بينهم والأعمال دي وأنا بعدها صدمت.
عمرو رمزي يوضح سبب فشله في السينما
وأضاف الفنان عمرو رمزي: السبب في فشل تجربتي في السينما إن المنتجين ما أعلنوش عن الفيلم إعلان كافي أو التسويق كلها أسباب لفشل التجربة، وفي السينما لازم واحد يكون صايع وعارف مفاتيح اللعبة والغلطة اللي انا عملتها إني اخترت منتجين جداد ومخرجين جدادة وأنا غلط مرتين في الموضوع ده.
عمرو رمزي: كلمت الفنانين ومبيردوش
وتابع: حاولت أخوض تجربة السينما مع منتجين كبار وحاولت كذا مرة بس مش مع نفس الناس علشان أنا لما بخبط باب مرة ما برجعلوش تاني وكلمت كتير من الفنانين اللي اشتغلت معاهم مابيردوش علي ومعرفتش السبب وراء عدم ردهم عليا رغم إننا اشتغلنا مع بعض أعمال كتير ونجحت.
