محدش يكتب السرطان انتصر لأني أنا اللي كسبت الجنة.. وصية شاب قبل وفاته تلقى تفاعلا عبر فيسبوك
تفاعل مستخدمو مواقع التواصل الاجتماعي مع منشور متداول لشاب توفي يدعى حسام حسني، كتبه من قبل كـ وصية لأقاربه وأصدقائه، وسط حالة من التعاطف الشديد معه.
وصية شاب مريض بالسرطان قبل وفاته
وكتب حسام: الورم انتشر خلاص، إنا لله وإنا إليه راجعون، كدة أقول بقى بقلب جامد الحرب خلصت خلاص، بس مش الكانسر اللي فاز لا، ووصيتي ليكوا لما أموت محدش يقول السرطان انتصر.. والله اطلعلكوا من تربتي.
وأضاف حسام في منشوره الذي ثبته على صفحته على فيسبوك: أنا اللي فوزت وكسبت، أنا كنت صابر وراضي طول الوقت وربنا قال: وبشر الصابرين، يعني أنا الحمد لله فزت بالجنة.
وتابع: الوجع هينتهي.. الألم هينتهي.. العياط هينتهي.. قعدة المستشفيات هتنتهي.. الكيماوي هينتهي.. تعب أمي هينتهي، مؤكدا: عايز بس منكوا طلب، ادعوا الأهلي بالصبر، بالذات أمي، أدعولها كتير بالله عليكوا.
محدش يكتب السرطان انتصر
واختتم الشاب وصيته مؤكدا على عدم كتابة أن المرض انتصر عليه، فقال: وأخيرا ودي وصيتي، محدش يكتب السرطان انتصر، أنا اللى كسبت الجنة وعمري خلص.
حالة من الحزن على فيسبوك بسبب وفاة الشاب حسام
هزمت السرطان وهنيئا لك الجنة.. هكذا علق مستخدمو مواقع التواصل الاجتماعي على وصية حسام، داعين المولى بأن يتغمده برحمته وأن يلهم أهله الصبر والسلوان.
