شريف منير لـ السيسي في مؤتمر المنصورة الجديدة: قدمت إنجازات واضحة.. واللي مش مصدق مع نفسه
شارك الفنان شريف منير، في الفيلم التسجيلي لمؤتمر افتتاح المرحلة الأولى لمشروعات مدينة المنصورة الجديدة، بحضور الرئيس عبد الفتاح السيسي.
وقال شريف منير خلال حضوره بالمؤتمر: الفيلم التسجيلي اللي اتذاع اتقال بصوتي والإنجازات دائما واضحة مش هنتكلم تاني عن الإنجازات اللي مالية مصر كلها.. حاجات اتعملت في لمح البصر.. ياريس أنا كل يوم بقوم بلاقي بلدنا متغيرة أروح مشوار وأرجع ألاقي الدنيا متغيرة والله.
وتابع شريف منير: أنا من سكان حي المقطم، المقطم بقى حاجة تانية مابقاش حي أصبح مدينة في منتهي الروعة، أحكي ليكم نبذة عن حياتي وعلاقتي بمدينة المنصورة، أنا اتولدت في المنصورة وحبيت الفن في المنصورة بلد عظيمة وناسها حلوين.
وأضاف شريف منير: روحت مركز ثقافة مدرسة المشاغبين مسرحية اتفرجت عليها قبل ما شوفها في التلفزيون أو على المسرح.. ابن خالتي خدني نروح نتفرج على العروض ونستمتع بها، الآلة اللي بحبها واللي احترفتها في وقت من الأوقات حبيتها من المنصورة.
وأردف شريف منير: كان أبناء المنصورة بيعملوا فرق أغاني إنجليزي وفرنساوي، بلد جميلة وعظيمة جيت هنا سنتين ونص علشان أعمل إعلان شفتوه عن المنصورة الجديدة، مكنش في الكلام ده أنا معرفش الكلام ده حصل إمتى بجد شيء مبهر.
واختتم شريف منصور حديثه قائلًا: العالم كله كان بيقابل تحديات، إحنا هنا كنا بنعمل إنجازات واضحة، واللي مش مصدق مع نفسه بقى ملناش دعوة، البلد كلها اتغيرت للجمهورية الجديدة، المنصورة خرج منها عمالقة السيدة فاتن حمامة رشدي إباظة والكاتب أنيس منصور، الفنان شريف منير كل ده حصل للإرادة المصرية.
