السيسي لمنظمات المجتمع المدني: عشان تطلع صدقة تأكل الناس ولا تديهم رأس ماشية؟
سأل الرئيس عبد الفتاح السيسي، أحد أصحاب مصانع الألبان قائلا: إنت بتأخذ الكيلو بكام؟، ليرد عليه قائلًا: أسعار اللبن ارتفعت، وهناك نوعين من الألبان بقري وجاموسي، والجاموسي أصبح بـ 15 جنيها والبقرى 11 ونصف جنيه، مؤكدًا أن الكيلو زاد عن العام الماضي 5 جنيهات، وتابع: ولو فتحنا مزارع وأنتجنا لبن، ومزارع لبن موجودة في مصر وستوفر كثيرا.
ووجه الرئيس السيسي، سؤالًا آخر له قائلًا: متوسط إنتاج المزارع من اللبن من رأس الماشية كام؟، ليرد من 3 – 4 أو 5 كيلو، حيث علق الرئيس قائلًا: إذا مكناش هنقدر نغنى الناس، فالمزارع الذى يعطى 3 أو 4 أو 5 كيلو لبن من الماشية يمكنه تربية ماشية تانية تجيب 25 كيلو لبن وأكتر.
وقال الرئيس السيسى، لـ منظمات المجتمع المدني: قولتلكم إن الموضوع في رقبتكم، بس الموضوع في رقبتنا كلنا مينفعش نسيب الناس تشتغل وتبذل جهد مع رأس ماشية تأتي بكمية قليلة والمنتج غالي.
وأكد السيسي على أن هناك نحو مليون أو 2 مليون رأس محتاجة للتطوير، البرنامج يأخذ 10 سنيين، لو بنحلم وبنحط إيدينا في إيد بعض وجهد مشترك، بنجمع في أموال اللي هيدي رأس ماشية لمزارع هيغير حياته.
وقال السيسي: أنا بتكلم من قلبي، يلا غيروا البلد دي، مُستكملًا: عشان تطلع دعم زكاة مال أو صدقة، تأكلني ولا تديني رأس ماشية؟، أنا بقول هتديني الرأس دي مرة ومش هتأكلني تاني خلاص، وتابع: مش هنقدر نغني البلد دي غير بالأفكار عمل وفكر، فكرة ومنستكترش إننا نعملها، وأجيب الجمعيات، والمنتجين والحكومة، ونقول رقم نحطه كل سنة.
