عمرو دياب بيكلمني ويقولي عايز أنجح ومدين لعامر منيب.. أبرز تصريحات تامر حسين مع منى الشاذلي
حل الشاعر الغنائي تامر حسين، ضيفًا على الإعلامية منى الشاذلي، مقدمة برنامج معكم، وخلال لقائه كشف العديد من الأسرار حول علاقته بالفنان عمرو دياب، والفنان الراحل عامر منيب، بالإضافة إلى حديثه عن بعض الأعمال الغنائية التي جمعته بالهضبة منها أغنية يتعلموا يتعلموا.
أبرز تصريحات تامر حسين
ونستعرض لكم في هذا التقرير أبرز تصريحات تامر حسين، مع منى الشاذلي:
-عامر منيب كواليسه حلوة جدًا في الشغل.. واشتغلت معاه 3 أغاني، جيت على بالي وحظي من السما كان اسم الألبوم.
-عامر منيب كان دايمًا يقولي عمرو دياب لو شافك هيشتغل معاك.. وبعد وفاته حسيت إني مدين له بالفضل.
-عمرو دياب بيكلمني كل شوية يقولي عايز أنجح.. وأغنية يوم تلات كانت حلم.
-عمرو دياب مشروع وطاقته ملهمة للجميع، والكيمياء بينا عظيمة.
-عمرو دياب مش مهتم بالصراعات.. وتامر حسني بيحب عمرو دياب ويحترمه.
-أغنية أنت الحظ فيها تفصيلة إني كنت حابب اكتب عن حد في حياتي وشه حلو.
-المقربين من عمرو دياب مسمينوا يا حظ.. لأنه وشه حلو على الناس.
-أغنية يتعلموا يتعلموا عمرو دياب كان معترض على بعض الكلمات فيها.. وبعد تعديلات بيني وبين عمرو مصطفى عجبته جدا.
آخر أعمال تامر حسين
ويذكر أن آخر أعمال تامر حسين، هي أغنية ما نسيتهاش، والتي قدمها مع الفنان إسلام زكي منذ شهر، والأغنية من كلمات تامر حسين وألحان إسلام زكي.
وتقول كلمات أغنية ما نسيتهاش: أنا ما نسيتهاش مع إن فراقنا بقاله سنين، وأنساها إزاي أنا مانع قلبي ما يقولهاش بعرف أخبارها إيه؟، وبتروح فين وبتيجى منين، بـ أعرف بالتفصيل تفاصيل يومها، لا بقينا أصحاب ولا كمِل الحب اللي ما بنا ليه قفلنا الباب وياريت لفراقنا ما سلمنا وعملنا حساب.
