سلوى محمد علي: الست اللي بتشتمنا لما بنلبس عريان عندها كبت ونفسها تلبس زينا
علقت الفنانة سلوى محمد علي على الانتقادات التي تتعرض لها الفنانات بسبب ملابسهن في المهرجانات الفنية، كما كشفت عن رغبتها في اعتزال مجال التمثيل.
وقالت سلوى محمد علي لـ القاهرة 24: فيه حالة غضب عامة على مواقع التواصل الاجتماعي بسبب الظروف الاقتصادية والاجتماعية، والست اللي بتشتمني وبتشتم الفنانات لما بيلبسوا عريان في المهرجانات الفنية بيكون نفسها تلبس فساتين زينا وعندها كبت، وأنا بعذر الجمهور مش فاهم أننا بنعاني وبيشوفنا بنلمع وبس، مع إننا بنقترض الفساتين مش بنشتريها.
كما سبق وتطرقت سلوى محمد علي للحديث عن رغبتها في اعتزال مجال التمثيل بسبب طريقة تحصيل الضرائب، وقالت في تصريح سابق لـ القاهرة 24: بفكر في الاعتزال بسبب طريقة تحصيل الضرائب؛ لأنها طريقة تعجيزية وكلها تكنولوجيا، ليه مندفعش الضرائب لـ شركة الإنتاج بدل من تحصيلها منا بشكل مباشر؟
وأضافت سلوى محمد علي: أنا كان نفسي جنازتي تطلع من المسرح وأموت وأنا بمثل ولكن ده كان زمان ومش كل اللي نفسنا فيه بيتحقق، لكن دلوقتي لو معايا فلوس مش هشتغل، ومضطرة أشتغل في السن ده عشان أملى الثلاجة وأصرف على نفسي.
آخر أعمال سلوى محمد علي
وعلى جانب آخر، شاركت سلوى محمد علي في العديد من الأعمال الفنية التي حققت نجاحا كبيرا، كان آخرها مسلسل راجعين يا هوى بالتعاون مع خالد النبوي وأنوشكا، هنا شيحة، ونور اللبنانية، بالإضافة إلى مسلسل أنا وهي بالتعاون مع أشرف عبد الباقي وهنا الزاهد وأحمد حاتم.
