دينا الشربيني: أعيش في حالة توازن بين الحب والعمل.. وسأعيد تجربة المسرح قريبًا
قالت الفنانة دينا الشربيني، إنها تعيش حالة من التوازن على المستوى الشخصي بين الحب وعملها، مشيرة إلى أنها تُحب عملها بدرجة كبيرة وتعمل بصفة مستمرة على اتزان حياتها الشخصية مع عملها في الوسط الفني.
وقالت دينا الشربيني، في تصريحات تليفزيونية: أنا بحب إحساس الحب جدًا، ودايمًا بقول إن الحب مش معناه حب بين واحد وواحدة أو واحد ومراته، الحب عمومًا بين الناس والأهل والصحاب، فكرة الحب بحبها، وبحب الشغل أوي ولكن لازم يكون فيه توازن، وأنا الحمد لله عايشة حالة التوازن دي.
بموت في المسرح وعندي مسرحية قريب
وأضافت: حلو التركيز في الشغل ولكن لما بيبقى فيه حد حلو في الحياة بيحب وبيشجع على الأحسن، لأن الشغل جزء من الشخصية، أكيد ده بيساعد في الحياة.
كما أعربت دينا الشربيني، عن عشقها الكبير للمسرح، موضحة: أنا بموت في المسرح، وعندي مسرحية قريب إن شاء الله، والمسرح فيه أدرينالين ورهبة والجمهور كان فظيع، وحسيت أن الناس بتحبني قدامي، وبعد ما عملت مسرح قُلت يا بخت المغنين علشان بيشوفوا رد الفعل ده على طول.
دينا الشربيني
وتطرقت دينا الشربيني، خلال حديثها لـ المسلسلات السورية واللبنانية، مؤكدة أنها تحرص على متابعتهم كما أن الشعب المصري يحب مشاهدة هذه المسلسلات، قائلة: المسلسلات السوري واللبناني في مصر بيتفرجوا عليها بشكل كبير، وحلو أوي إن نجمع شعوب من بلاد مختلفة في مسلسل، بحس إنها وحدة.
