أرملة عمار الشريعي: كان راضي باللي ربنا قسمه ليه.. وبفرح لما بيكلموني في ذكراه
أكدت ميرفت القفاص، أرملة الموسيقار عمار الشريعي، أن أعمال الراحل مازالت موجودة بقوة ويحرص جمهوره على سماعها، وذلك على الرغم من وفاته منذ 10 سنوات.
وقالت أرملة عمار الشريعي، في تصريحات تلفزيونية: عمار أعماله عايشة، ولسه بنتفرج على الدراما بتاعته من مسلسلات وأفلام وأغانٍ.
وتابعت أن زوجها الموسيقار الراحل، لا يزال له الكثير من المحبين والمعجبين والذين دائما ما يؤكدون أنه قد علمهم ورباهم ثقافيًا وموسيقيًا، مضيفة: الحاجات دي بتفرحني، وبفرح لما بيكلموني في ذكراه.
وأضافت: أنا كنت مع بني آدم محترم بيقدر بيته والست اللي معاه وبيحبني وابنه، والواحد لما بيسمع المشاكل الزوجية دلوقتي بيقول إزاي فيه رجاله كده، أنا كنت مع راجل محترم جدًا ومحسسنيش إني مختلفة عنه، وربنا يرحمه كان زوج فرفوش مبيحبش النكد وطيب وراضي باللي ربنا قسمه ليه ومقدر النعمة اللي معاه.
وأوضحت أرملة عمار الشريعي، أن قصة حبهما بدأت في عام 1988، وتركها وتوفي في عام 2012 أي بعد قصة زواج استمرت لـ 25 عامًا، متابعة: بقالي 10 سنين عايشة علشان مراد وأحقق فيه اللي باباه كان عايزه.
آخر أعمال عمار الشريعي
وتعتبر آخر أعمال لموسيقار عمار الشريعي، هي الموسيقى التصويرية لمسلسل أهل الهوى، والذي تم عرضه عام 2013، وكان من بطولة فاروق الفيشاوي، إيمان البحر درويش، مادلين طبر، محمود الجندي، وعدد آخر من الفنانين، وكان من تأليف محفوظ عبد الرحمن وإخراج عمر عبد العزيز.
