عمر خورشيد: الشللية موجودة في الوسط الفني من أيام نجيب الريحاني.. وأنا لو نجم هيكون ليا شيلتي
أكد الفنان عمر خورشيد، أن الوسط الفني يقوم على الشللية في بعض الأحيان ولكنه لا يرى مشكلة في ذلك الأمر، مشيرًا إلى أنه يمكن أن يكون له مجموعة من الأصدقاء يتعاون معهم في الأعمال بصفة مستمرة في المستقبل.
وقال عمر خورشيد، في تصريح خاص لـ القاهرة 24: الوسط الفني في بعض الأحيان بيقوم على الشللية، بدليل إني بنلاقي 5 أو 6 دايمًا مع بعض وشغالين على 6 مسلسلات، وأنا مش ضد ده لأنه شيء طبيعي من أيام نجيب الريحاني.
وأضاف خورشيد: نجيب الريحاني كان عنده شلته وفؤاد المهندس كان عنه شلته وإسماعيل ياسين كان عنده شلته، دلوقتي عادل إمام ومحمد صبحي وسمير غانم الله يرحمه كان ليهم شلتهم، والموضوع ده بيبقى راحة في الشغل، وأنا لو نجم هيكون ليا شيلتي.
عمر خورشيد
وواصل عمر خورشيد حديثه، مؤكدًا أنه لم يشعر بالظلم على المستوى الفني، قائلًا: ربنا موزع الأرزاق، وأشك إن في حاجة اسمها ظلم فني، هو الموضوع كله علاقات وأنا فاشل في ده.
وأكمل عمر خورشيد: الموضوع مالوش علاقة بالظلم الفني هو ليه علاقة إن أنا واحد مبعرفش أسعى وأخبط على باب الناس وأقول لهم شغلوني، ولكن لأ أنا مش حاسس بالظلم الفني أنا بشتغل وبقبض كويس جدًا.
واستطرد: الفنان سلعة وأنا مفيش عليا طلب دلوقتي، ومش معنى كدة إني مش شغال، لأن أنا شغال وكل سنة بعمل عمل.
