شمس: مش حرام أعيش مع طليقي بنفس البيت.. ومينفعش أعاشر راجل وأرميه في الشارع
كشفت الفنانة شمس تفاصيل فترة طلاقها وسر بقائها مع طليقها في نفس المنزل دون زواج، مؤكدة أنه شيء طبيعي وليس محرمًا.
وقالت شمس لـ القاهرة 24: أنا اتطلقت وفضلت عايشة مع طليقي في نفس البيت ومش حرام لأننا مش في نفس السرير، وكل واحد كان في أوضته، هو أنا هرمي جوزي في الشارع يعني؟ الحرام إني أعاشر راجل وبعدين أرميه في الشارع.
وواصلت شمس: الحرام إني أرميه وهو معندهوش بيت لسه، والحرام إني أعاشره بدون زواج، والمفروض الناس يقولوا عليا ست أصيلة مش يحرّموني واللي بيقول حرام هو اللي بيعمل الحرام وبيعكسه عليا.
أزمة شمس وحمو بيكا
وسبق أن أثارت شمس جدلًا واسعًا بـ تصريحاتها عن مؤدي المهرجانات الشعبية حمو بيكا، حيث انتقدته في لقاء تلفزيوني سابق، قائلة: حمو بيكا قال أنه ميعرفنيش كـ ممثلة بالرغم من أني مثلت مع نجوم كبار في أعمال فنية كتير، وحمو بيكا لا شكل ولا موهبة ولا منظر وقلة أدب كمان، وأنا اتعاملت مع فنانين كبار وكانوا في قمة التواضع.. يبقى إزاي يقول ميعرفنيش؟
ورد عليها حمو بيكا عبر حسابه بموقع فيسبوك، قائلًا: أنا عمري في حياتي يا أستاذة شمس ما قولت أنا مش عارفك، بالعكس أنا عارفك وبحبك جدًّا، لو وصل لحضرتك أي كلمة منسوبة عني فـ أنا من على صفحتي الرسمية بقول لـ حضرتك إني عمري ما قولت كدة.
