يسرا: أنا فنانة عالمية.. ورفضت العديد من الأفلام الأمريكية لهذا السبب
كشفت الفنانة يسرا سر رفضها للعديد من الأفلام العالمية، مشيرة إلى أنها لم تقتنع بالقصة والسيناريو، بجانب الحديث عن علاقتها بالمخرج يوسف شاهين.
وقالت يسرا خلال لقائها في برنامج أسرار النجوم: أنا اتعرض عليا أشارك في فيلم عالمي ومعجبنيش الموضوع، هو أنا اشتغل وأقعد في بيتنا بكرا ليه؟ بالعكس أنا أشتغل النهاردة وبـ ذكاء ووقتها كان في الثمانينات واتعرض عليا مبلغ مخيف مش بيتسمع ولكن رفضت.
وواصلت يسرا: اتعرض عليا فيلمين مختلفين واحد في أمريكا وواحد تاني هيتنفذ في أمريكا وفيلم فرنساوي ولكن مقتنعتش بيهم، ولما بشوف تاريخي الفني بلاقي إني ست عالمية من خلال شغلي وبلدي وبيتي اللي مخليني زي ما أنا النهاردة.
وأضافت يسرا: يوسف شاهين هو اللي عرفني بالعالمية وعادل إمام خلاني أحضن جمهوري في الوطن العربي وبقينا ديو والجمهور عايزنا مع بعض وأنا ست محظوظة؛ لأني اشتغلت مع أهم ناس وشاركت في معظم أعمال يوسف شاهين ما عدا آخر فيلمين، وبسأل نفسي يوسف شاهين هيتعوض إزاي النهاردة؟
تكريم يسرا في مهرجان البحر الأحمر السينمائي
ومن ناحية أخرى، تسلمت يسرا جائزة اليسر الفخرية خلال حفل افتتاح مهرجان البحر الأحمر السينمائي بدورته الثانية في المملكة العربية السعودية، بحضور عدد كبير من الفنانين، وأكدت يسرا أن السعودية بلدها الثاني بعد مصر، وأن التكريم بها شرف كبير وتشعر بالفخر به.
