شريف رمزي يكشف تطورات الحالة الصحية لشقيقه صلاح: مفيش حاجة في إيدينا ولا في إيد الدكاترة
كشف الفنان شريف رمزي، التطورات الأخيرة للحالة الصحية لشقيقه المنتج صلاح رمزي الصحية، الذي أصيب بمشكلة في المخ منذ عدة أشهر، وتم حجزه بأحد المستشفيات.
وقال شريف رمزي خلال لقائه مع برنامج انسايدر بالعربي: هو تجاوز عمليات كتير جدا والمشكلة إنه خلاص تعافى جسمانيا من العدوى اللي كانت موجودة عنده من شهر 7، ولكن حاليا هو لسه في كومة والكومة دي مش بايد حد غير ربنا، عشان كدة دايما بطلب من الناس تدعيله.
وتابع شريف رمزي: مفيش حاجة حاليا لا في إيدينا ولا في إيد الدكاترة ومفيش مثلا دواء بيفوق الكومة، واحنا على طول معاه وأمي وخطيبته، وأنا على قد ما أقدر بوفق بين شغلي وتواجدي معاه في المستشفى، ويارب يقوم بالسلامة في أقرب وقت لأنه كابوس وصدمة كبيرة وإن شاء الله نتخطاها.
شقيق شريف رمزي يخضع لعمليتين جراحيتين
وفي السياق ذاته، كان آخر ما قاله شريف رمزي عن حالة شقيقه منذ أيام، إنه خضع لعمليتين جراحيتين، وذلك من خلال تصريحه لـ القاهرة 24، حيث قال: عمل عمليتين واحدة في الجمجمة والعمود الفقري، والتانية لتفريغ خُراج في المخ، ولكن لسه في غيبوبة لغاية دلوقتي ومفيش أي تغير في درجة الوعي، ادعوا له.
ويعد فيلم الديلر أبرز أعمال المنتج صلاح رمزي، وشارك كمنتج منفذ بالعمل، وهو بطولة الفنان أحمد السقا، وعدد كبير من الفنانين، من بينهم مي سليم، خالد النبوي، سامي العدل، والعمل من تأليف مدحت العدل، وإخراج أحمد صالح.
