لوسي عن ارتفاع أجور الراقصات: ما هي كل حاجة غالية مش هتيجي على الرقص.. والبدل بتتكلف كتير
علقت الراقصة والفنانة لوسي على ارتفاع أسعار أجور الراقصات الأجنبيات والمصريات، في موسم حفلات رأس السنة والذي تفصلنا عنه أيام قليلة.
وكشفت الراقصة والفنانة لوسي رأيها في أجور الراقصات وارتفاع الأجور، قائلة: أنا مقدرش أحكم لأني بقالي سنتين قاعدة في البيت ومعرفش سوق الرقص ماشي ازاي، ولكن هي مجتش على الراقصات ما هي كل حاجة غالية.
وعن سعر ساعة جوهرة والمقدر بـ 120 ألف، قالت: مقدرش أفتي وأقول يستحقوا ولا مايستحقوش كل واحدة وراها فرقتها والعربية اللي بتنقلها أو بنزين عربيها.
لوسي: الراقصة بيطلع لها 20 أو 30 ألف بس
واستكملت لوسي في تصريحات لـ القاهرة 24: لو حسبتها هتلاقي أن في الآخر بيطلع لها 20 أو 30 ألف بس، لأن بدل الرقص بتتكلف كتير والخامات غالية والمكياج ففي تكلفة كبيرة لكل راقصة.
وعلقت على تعري الراقصات الأجانب في مصر، قائلة: دي ثقافتهم وسلوكهم لأن برا محدش بيبص لحد هو لابس أيه ومع ذلك هما بيحترموا القانون زيهم زي أي حد.
واختتمت حديثها حول فن الرقص الشعبي ووصفته بأنه من المهن المحترمة، وقالت: الفن مهنة محترمة وعمومًا أي حد بيشتغل في الفن سواء رقص أو غناء أو تمثيل فهو مهنة محترمة.
