شيرين رضا عن حفل زفاف ابنتها: مش هنعمله لأن فلوسه كتير أوي
تحدثت الفنانة شيرين رضا عن استعداد ابنتها نور للزواج، مشيرة إلى أنها لن تقيم حفل زفاف لأنها لا تؤمن بهذه الأشياء.
زفاف ابنة شيرين رضا
وقالت شيرين رضا خلال لقائها مع برنامج ET بالعربي: أنا بنتي مخطوبة ولكن مش هنعمل فرح لأننا لا نؤمن بهذه الأشياء وأنا عمري ما لبست فستان فرح في الحقيقة، وشايفة إن كل واحد حر يعمل اللي عايزه واحنا متربيناش على كدا وفي النهاية دي أفكار شخصية.
وواصلت شيرين رضا: أنا بشوف الحفلة الكبيرة دي فلوسها كتير أوي وفستان الفرح بالشيء الفلاني؟ كل دا عشان ليلة واحدة ما ممكن ياخدوا الفلوس دي يستمتعوا بيها، واحنا ولسه هنشوف هنحتفل إزاي وهتكون حفلة صغيرة جدًا والمهم أهلها وهي وجوزها يفرحوا إنما ليه نجيب ناس ينتقدونا؟
كما سبق وكشفت شيرين رضا تفاصيل تعاونها مع دينا الشربيني في حكاية ولو بعد حين من مسلسل حدث بالفعل، وقالت في تصريحات تليفزيونية: أنا تعاونت مع دينا الشربيني قبل كدا في فيلم اسمه كدبة كل يوم، ومش فاهمة ليه الناس تستغرب؟ إحنا صحاب من زمان ودي فرصة حلوة أننا نشتغل مع بعض تاني.
وواصلت شيرين رضا: أتعرض عليا أعمل البطولة لوحدي ولكني رفضت وقولت عايزة أمثل مع دينا الشربيني؛ لأن دي فرصة حلوة نتقابل في الحياة لأن في الطبيعي كل واحدة مشغولة ولما بنتعاون مع بعض بنغير ونعمل ميكب سوا وبنقعد في نفس الكارافان.
