صفاء جلال: مشاركة ويجز في كأس العالم فخر لنا.. وعمري ما قلت هعتزل التمثيل
كشفت الفنانة صفاء جلال، عن رأيها في مشاركة مطرب الراب ويجز في فعاليات كأس العالم 2022، مؤكدة أنه فنان موهوب وله لون موسيقي مختلف، بجانب الحديث عن شائعات اعتزالها.
وقالت صفاء جلال لـ القاهرة 24: أنا بشجع الأرجنتين في كأس العالم عشان ميسي طبعًا، وفخورة بمشاركة ويجز في فعاليات كأس العالم لأنه عامل أغاني حلوة وشيك وله جمهور كبير وبنتي من جمهوره وخلتني أروح له حفلة، وهو فنان موهوب وعنده لون وفكرة بيقدمها المفروض نكون كلنا فخورين بيه.
كما تطرقت صفاء جلال للحديث عن شائعات اعتزالها التمثيل، قائلة: أنا عمري ما قولت إني هعتزل التمثيل ولكن اللي حصل إني قولت الممثل بيعاني من الاكتئاب أحيانًا وممكن يفكر يعتزل مش أكتر، وأنا موجودة ولسه عاملة مسلسل اسمه جروب العيلة وبعمل برنامج تلفزيوني وعندي مسلسل في رمضان المقبل.
أما عن فكرة تجسيدها لأدوار أمهات في الأعمال الفنية، علقت صفاء جلال، قائلة: مقلقتش من فكرة تجسيد أدوار أمهات في المسلسلات لأني أم في الحقيقة وكبرت، وبنتي دلوقتي عندها 22 سنة ودي مرحلة مناسبة ليا.
كما سبق وقالت صفاء جلال في تصريح سابق لـ القاهرة 24: فكرت في الاعتزال كتير وأحبطت وجالي اكتئاب، وكل الفنانين بييجي ليهم إحباطات حتى النجوم الكبار بس بعد فترة بيحصل تعود، وكل الفنانين بييجي ليهم نوبات اكتئاب في وقت مش بيشتغلوا فيه أو أنهم يقدموا عمل مش راضيين عنه، وشغلتنا أصلا بتاعة اكتئاب لأننا بنقدم شخصيات بتأثر على النفسية.
