أحمد داود: أتمنى الوصول للعالمية.. وشخصيتي في سوتس بالعربي لم تكن مُتعبة
أعرب الفنان أحمد داود عن سعادته بحصوله على جائزة تميز عن دوره في مسلسل سوتس بالعربي، الذي شارك به في موسم دراما رمضان الماضي 2022، وذلك خلال حفل توزيع جوائز مجلة دير جيست في دورته الـ 19.
وقال أحمد داود خلال تصريحات خاصة لـ القاهرة 24، على هامش حضوره حفل توزيع الجوائز: مبسوط جدًا بالتكريم عن سوتس، وإنه من الجمهور، ومن دير جيست لأنها بتبقى حفلة حلوة، وبنشوف كل الناس اللي عملت شغل كويس في السنة دي ونقول لبعض مبروك.
وأضاف أحمد داود: شخصية المحامي اللي جسدتها في مسلسل سوتس بالعربي كانت لذيذة مش متعبة، وكان فيها حاجات كتير قريبة مني ومكنش فيه صعوبة نفسية مش زي صعوبات تانية، الصعوبات كانت في التصوير.
أحمد داود: انتظر طرح فيلم يوم 13
وأشار أحمد داود إلى أنه ينتظر طرح فيلم يوم 13، قائلًا: مستني فيلم يوم 13، بقاله حبة حلوين، لكن كل تأخيرة وفيها خيرة، وهو أول فيلم 3d في الوطن العربي ومتحمسله جدًا، أنا لسه مش عارف إزاي هيطلع والجمهور هيشوفوا ممثلين بالنضارة، وده مش متعودين عليه، وأتمنى الوصول للعالمية ولما بلاقي حاجة كويسة ومتحمس بيها بعملها من قلبي ومعرفش هتروح فين.
