ماشفتش راجل بيتحرش بيا.. الراقصة صافيناز: كل اللي بيتحرشوا بيا ستات
صرحت الراقصة صافيناز، بأنها تتعرض للترحش بكثرة من السيدات، مشيرة إلى أنها في السوات الأخيرة أصبحت تقابل ذلك الأمر بشكل كبير، بينما لم تواجه تحرشًا من الرجال.
وقالت صافيناز في حوارها مع القاهرة 24: ما شفتش في حياتي تحرش من رجالة لكن شفت من ستات كتير، مضيفة: وإحنا ستات زي بعضينا إيه المشكلة يعني.
في السياق ذاته، أكدت صافيناز أنه لا يجرؤ أحد على التحرش بها في حفلاتها، قائلة: بدخل شغلي معايا جارد شخصي، وحد شاطر وبروفيشنال، وبشتغل بفرقتي حوالي 25 فرد وكلهم رجالة كل دول واقفين في ضهري، ماحدش يقدر يفكر يقرب عندي.
صافيناز: جمهوري ناس نضيفة
واستكملت صافنياز: أنا الحمد لله جمهوري ناس نضيفة جدًا 90 % منهم محترمين، وبيحترموني وبيحبوني جدًا، وعمري ما حصل أن حد عاوز يتحرش بيا أو حد مسكني من جسمي، وأنا بتكلم مع جمهوري وبقول لهم كلنا هنتفرج وكلكم فوق دماغي، اتفرجوا بس، وبعرف أعمل كنترول في الأفراح والحفلات حتى لو فيه منهم مش محترم بيحترم نفسه، لأن ليا طريقة كده على المسرح.
في سياق آخر، ردت صافيناز على الانتقادات التي تتعرض لها بسبب جرأتها قائلة لـ القاهرة 24: رقصي مافيهوش إغراء، ولو قارنا بين راقصات زمان ودلوقتي هنلاق زمان كان فيه إغراء أكثر والراقصات كانوا بيلبسوا بدل من غير شورتات، إحنا على الأقل بنلبس شورت.
