إلهام شاهين: عملت دكتوراه في داعش.. وبطلوع الروح خلاني أعرف مدى التأثير القوي للفن
تحدثت الفنانة إلهام شاهين عن دور الفن في تقديم رسالة قوية، مشيرة إلى أن مسلسل بطلوع الروح جعلها تعي مدى التأثير القوي للفن.
وقالت إلهام شاهين في لقاء نحو مواطنة داعمة للتنوع الثقافي، والذي ينظمه منتدى حوار الثقافات بالهيئة القبطية الإنجيلية للخدمات الاجتماعية: هتكلم عن دور الفن فيما يخصني بما إن آخر أعمالي بطلوع الروح، ويمكن من خلاله عرفت مدى تأثير الفن القوي، أنا طول عمري عارفة، ولكن الخوف والرعب من خروج هذا المسلسل للشاشات من قبل المتطرفين، جعلني أعي مدى التأثير القوي للفن.
اتحاربت حرب رهيبة بمجرد نزول بوستر بطلوع الروح
وأضافت إلهام شاهين: اتحاربت حرب رهيبة بمجرد نزول بوستر المسلسل واللي كنت لابسة فيه لبس داعش، وكل اللي كانوا معايا كانوا لابسين نفس اللبس، لكن إلهام شاهين إلهام العفريت بتاعهم على الرغم من أنهم كانوا لسه ماشفوش محتوى العمل لكن الخوف كان مني، لأنهم عارفين أفكاري وإني مش هتقبل الفكر المتطرف، وإذا كنت بعمل كده في الحياة فمن باب أولى أعمل ده في أدواري على الشاشة.
وأردفت قائلة: عمر ما كان في ذهني أو أحلامي إني أعمل زعيمة داعش، لما اتعرض عليا كنت مخضوضة، خاصة أنه بدايته واحدة بتدبح وبتجلد، وبتقول أنا بحقق شرع الله، وقلت للمخرجة كاملة أبو ذكري لها إزاي ما قدرش. قالت لي انت أحسن واحدة تعملي الدور ده لأنك هتحطي كل كرهك في الشخصية.
واستكملت: عملنا دراسة وافية وعملت دكتوراه في داعش، والحمد لله المخرحة دقيقة جدًا وعملت دراسة رهيبة لأنها جابت 70 فيديو لداعش وهما بيدبحوا ويجلدوا ويضربوا بالنار ويقتلوا، وكل الحاجات بيصوروها مش عارفة ليه عاوزين يأكدوا الجريمة على نفسهم.
وأردفت إلهام شاهين قائلة: هل أنتم الدواعش بتدافعوا عن قضية وبلد ودين؟.. الإجابة لأ، لأنكم ناس من جنسيات مختلفة اتلمت في بلد ما تخصهمش يعني مش بتدافع عن أرضك ولا دينك، ومش بتدافع عن قضية تخضك، انهي دين بيقول أنك تعذب أهلها.. بأي حق بتشوه الدين بهذا الشكل الفظيع.. مين فهمهم أن ده الدين.. مين دخل في عقول الناس أن هو ده الدين والإسلام.
