أبو يستعين باللغة الهيروغليفية في أجدد أغانيه
استعان المطرب أبو باللغة الهيروغليفية في أجدد أغنياته، التي لم يعلن اسمها حتى الآن، حيث من المقرر طرحها خلال الفترة المقبلة.
وتحدث أبو عن تفاصيل استعانته باللغة الهيروغليفية في أغنيته، وقال خلال حواره مع برنامج The Insider بالعربي: أنا بحمد ربنا كل يوم، إني اتخلقت مصري، وعندي عشق للبلد دي من زمان، ودي البلد الوحيدة اللي اتعملها علم اسمه ايجيبتولوجي، ومفيش أي علم تاني يحمل اسم بلد غير العلم والبلد دي.
وتابع: الهيروغليفي ده هو المصري القديم اللي جينا منه، كانت بالنسبة لنا مهمة، حتى في كلمات الأغنية، بنقول دي المصرية ست بنات الدنيا ديه، وبما إنه عن الست المصرية فكان التصوير كله مودرن.
أغاني أبو
ومن جهة أخرى، طرح المطرب أبو مؤخرًا أجدد أغانيه بعنوان يجي منها، وهي الأغنية الرسمية لـ فيلم هاشتاج جوزني.
ومن كلمات أغنية يجي منها: شكلها كده يجي منها، ولا هضيع وقتي ووقتها، طب حد يروح لها ويقولها، إنها فيها كام، كام حاجة عجبتني، مش أوي يعني لتتغر، قولها إن أنا واقف على البر، ومش واقع أقوي بعد الشر، ولسة مجتش إلا تثبتني، أدوها من ثانية لست ثواني، خلوها تاخد وقتها وأن كان ردها إني عجبتها ولا أنا داخل قلبها.
ويشارك في فيلم هاشتاج جوزني، العديد من الفنانين، منهم: أمير المصري، مايان السيد، ريهام الشنواني، إسلام إبراهيم، صابرين، بيومي فؤاد، حسام داغر، والفيلم من تأليف محمد سمير مبروك، وتحت قيادة المخرج عصام نصار، وإنتاج شركة سينرجي فيلمز.
