ضحية هتك العرض بالزاوية الحمراء: عم محمود قطعلي العباية وحاول يغتصبني بعنف | تحقيقات
تعرضت طالبة في الصف الثالث الثانوي الفني، لواقعة مأساوية بعدما تعدى عليها صاحب محل كانت تعمل لديه، وهتك عرضها بتمزيق ملابسها ولامس أماكن عفتها، في منطقة الزاوية الحمراء بالقاهرة.
هتك العرض طالبة بالزاوية
وحصل القاهرة 24 على نص التحقيقات في القضية التي تحمل رقم 4581 لسنة 2022 جنايات الزاوية الحمراء، والمقيدة برقم 566 لسنة 2022 كلي شمال القاهرة.
وقالت الطالبة المجني عليها أمام جهات التحقيق، إنها كانت تعمل لدى المتهم كخادمة وفوجئت بقيام المتهم بإخلاء مسكنه، وما أن ظفر بها حتى تعدى عليها ضربا ومزق ملابسها كاشفا لعورتها.
وتابعت الطالبة بأنها حاولت الفرار من مسكن المتهم، إلا أنه منعها من ذلك بالقوة وخلع ملابسه الداخلية وقام بملامسة مواطن عفتها، وقبلها قاصدا من ذلك هتك عرضها دون رضائها، وشرع في مواقعتها، إلا أنها تمكنت من مقاومته والفرار هربا منه، وبتقابلها مع والدها أخبرته بمضمون الواقعة.
أقوال الطالبة ضحية هتك العرض بالزاوية الحمراء أمام جهات التحقيق
س: ما هي تفصيلات بلاغك؟
ج: اللي حصل إن أنا كنت بروح عند عم محمود ومراته القديمة عشان أخدمهم وأراعي عيالهم وبعدين هو ومراته اطلقوا وكنت بروح آخد العيال من عند أمهم وأديهم لأبوهم، حتى بعد لما اتجوز واحدة تانية كنت بروح أخدمهم في البيت، وبعد ما طلقها كنت بروح أخدمه هو والأطفال الصغيرين.
وتابعت المجني عليها: أنا كنت رايحة أقوله خلي العيال عندي أخدمهم وهو يدفع مصاريفهم؛ لأن هو مكنش بيحب العيال يبقوا قاعدين عنده بعد ما انفصل هو وطليقته، كانوا متفقين إن العيال يقعدوا أسبوعين عند كل واحد فيهم، وهو كان بيزعقلي لما كنت بودي العيال فلما رحت يوم الواقعة عشان أقوله العيال تبقى معايا في الفترة بتاعته، لقيته قاعد في البيت هو والعيال وكان معاه واحد اسمه ویکا شغال عنده، وأول ما رحت قالي ده ميعاد الحقنة بتاعة بنته وقالي تعالي نديهالها مع بعض.
وأضافت المجني عليها: رحت أنا وهو والعيال الصيدلية، وويكا كان في البيت مسك البنت في الصيدلية ومرضيتش تاخد الحقنة، وبعدين رجعنا البيت وقال لويكا ياخد العيال الصغيرة ويمشي، وبقيت أنا وهو لوحدينا في البيت، وبعدين قلتله على موضوع إن العيال يبقوا معايا في الفترة اللي هما معاه فيها، وبعدين غير الموضوع، وقالي الحاجات اللي بتنزليها على الواتس كويسة، وقام قعد جنبي وبعدين بدأ يحسس على جسمي.
وأكملت المجني عليها: أنا قعدت أبعد وكنت عايزة أمشي، وقلعني الطرحة بالعافية وقام شادد العباية وقطعهالي، وقعد يبوس فيا من رقبتي ووشي، وقعدت أصوت وأعيط وهو كان بيقولي علشان تبعدي عن حياتي علشان أنا الوسيطة بينه وبين أم عياله.
وأردفت: أنا كنت بحاول ألم نفسي وطرحتي والعباية اللي اتقطعت، لقيته خارج وقالع هدومه خالص وكان لابس تي شيرت أزرق وقام جاي يقعد جنبي، وأنا قمت وكنت هتكعبل وشدني ووقعني على الأرض على ضهري وقام هو حاول يغتصبني ومسكني من شعري، وأنا بحاول أبعده وكل ما بحاول أبعده بييجي بعنف أکثر، راح معري أماكن العفة ومسكني منها وكان عمال يبوس فيا.
وأجلت محكمة الجنايات، اليوم الثلاثاء، إعادة محاكمة المتهم لجلسة 20 فبراير المقبل، حيث إنه صادر بحقه حكما بالسجن المشدد لمدة 7 سنوات قبل أن يعيد المتهم إجراءات المحاكمة أمام محكمة جنايات شمال القاهرة المنعقدة بمجمع محاكم العباسية.
