معاناة أرمل| حرمان أب من نجله بعد وفاة الزوجة: لو ابني قدامي مش هعرفه.. ده ابتلاء من ربنا
كشف أحمد العشري، الساكن بمحافظة البحيرة، تفاصيل معاناته بعد وفاة زوجته، حيث حٌرم من طفله البالغ من العمر 6 سنوات، منذ توقيت وفاة الأم.
متجوزين حمواتنا
وقال العشري، خلال استضافته في برنامج أنا سعيد، المٌذاع على قناة القاهرة والناس: دي مش حكايتي لوحدي، دي حكاية 2 مليون أرمل، إحنا كأننا متزوجين حمواتنا، مضيفًا: هناك صلة قرابة بيني وبين الزوجة، وتزوجنا بعد قصة حب، إلا أن والدتها لم تكن راضية عن زواجنا.
الزوجة توفيت بعد عامين من الزواج
وواصل: الأمور كانت ماشية كويسة في الأول، لكن المشكلة إن بعد وفاة مراتي، ظهرت المشاكل، هي توفيت بعد سنتين من الجواز، وخلفنا عبد الرحمن، وهو دلوقتي عنده 6 سنوات.
واستطرد: أنا مشكلتي إني معرفش شكل ابني، أقسم بالله لو ابني قدامي مش هعرفه، أنا راجل محروم من ابني، انا بقالي 4 سنين مشوفتش ابني، زوجتي اتوفيت بعد الإنجاب بسنة.
وعن تفاصيل الوفاة، أشار إلى تواجده في عمله بالقاهرة خلال وفاة الزوجة، وعند عودته إلى البحيرة رفضت الحماة تسلم الابن له، قائلة: ملكش حاجة عندنا.
يتيم الأب والأم
وأكد العشري، أن نجله أصبح يتيم الأب والأم، كما تم رفع نفقات وأجر مسكن عليه، بالرغم من سكن والدة الزوجة مع ابنه في منزلها الخاص.
وقال: أنا عندي ورشة نجارة صغيرة، لكن اترفع عليا شيكات إني عندي مواشي وغنم، ودخلي الشهري 60 ألف جنيه، موضحًا: أنا أدفع مال الدنيا عشان أشوف ابني.
وأكد العشري أن أخر مرة رأى فيها نجله، منذ 4 سنوات، أي قبل وفاة الأم، متابعًا: ابني واحشني جدًا، انا أتجوزت وخلفت بنت، لكن فرحتي مش هتكمل عشان محروم من أبني.
وأردف: معرفش شكله، لكن بسمع عنه أنه كويس، لكن عصبي، وكل اللي بقوله حسب الله ونعم الوكيل، وده ابتلاء من عند ربنا.
ووجه العشري رسالة إلى نجله قائلًا: يا ابني أنا معلمتش حاجة وحشة عشان اتحرم منك، أوعى تفكر أنك أنت يتيم الأب والأم، ابوك لسه عايش، وأخر صورة ليه مراحتش من عينين أنا فرحتي مش كاملة، وابني مش موجود.
