برلنتي عامر: سعد الصغير عمل المستحيل عشان يتجوزني.. وكان هيقتل أختي والمرة الجاية هيقتلني
تحدثت الفنانة برلنتي عامر، طليقة الفنان سعد الصغير، عن تفاصيل خلافهما الأخير وانفصالها عنه، زاعمة أنه شرع في قتل شقيقتها.
وقالت برلنتي عامر، خلال تصريحات تلفزيونية: سعد عمل المستحيل علشان يتجوزني وهو عارف هو عمل إيه، وكنت خايفة جدًا ومعايا فيديوهات وهو بيقولي لو إنتي إتأذيتي يبقى أنا اللي أذيتك.
وأوضحت برلنتي أن الفنانة شمس الزوجة السابقة لـ سعد الصغير، هاتفتها كي تحذرها منه، موضحة: شمس كلمتني وقالتلي خلي بالك من نفسك علشان هو هيحاول يأذيكي، وهو قالي لأ دي غيرانة منك وبتوقع بينا، وهو فعلًا أذاني والسمعة والكلام، أنا مش قادرة أتكلم من التعب اللي أنا فيه، هو بعتلي اعتذارات مع ناس بس بعد إيه؟.
وأضافت برلنتي أن سعد الصغير شرع في قتل شقيقتها، قائلة: كان هيموت أختي ده شروع في قتل، وقالي في عز المشكلة بعد ما خرجنا من المستشفى هترجعي تاني وأنا مش عارفة هو بيقول كده على أساس إيه.
واستكملت: أرجع لمين! المرة اللي جاية هيقتلني، هو شخصية غريبة هو وحنين في حاجات وحاجات تانية لأ، أنا مش عارفة شخصيته إيه، يعني يوم الحداثة ده أنا كنت في حضنه كمراته ومدلعني دلع والله هو عارف الكلام ده إن يوم الحادثة كان جايبلي ورد.
كما كشفت برلنتي عامر، سبب خلافها مع سعد الصغير، موضحة: سبب الخناقة كنا بنتكلم في البيت مشكلة تافهة جدًا وشتمني وزعق وزعقت وبس كده، وأنا مش بغير عليه، ولكن أنا موجودة في حياتك أنا برلنتي عايز تعمل أي حاجة طلقني عشان كرامتي، وساعات كنت بلاقي حاجات على الواتساب ولكن معرفتش أمسك حاجة، وهو كان بيغير عليا جدًا.
واختتمت حديثها قائلة: وفي مرة انفصلت عنه وكنت هتخطب، وهو عرف وراح قال للولد ابعد عنها أنا بحبها ودي حب عمري، وأنت تقدر تحب لسة سنك صغير، ولكن دي آخر حب في عمري.
