برلنتي عامر طليقة سعد الصغير: مخدتوش من مراته هو اللي راجل مزواج وأذاني في سمعتي
كشفت الممثلة برلنتي عامر طليقة المطرب سعد الصغير تفاصيل زواجها به، ومشاكلهما معًا في الفترة الأخيرة التي انتهت بالانفصال، وتفاصيل حياته السابقة قبل الزواج منها.
طليقة سعد الصغير تتحدث عن بداية العلاقة بينهما
وقالت برلنتي عامر في تصريحات تلفزيونية: سعد الصغير عمل حاجات مش طبيعية عشان يتجوزني كان بيقف تحت البيت عندي بالـ 7 و8 ساعات عشان بس يلمحني وهو عارف هو عامل إيه علشان يوصلي، واستحوذ على عقلي وخدني من صحابي وأي واحدة صاحبتي بتقرب مني بيبقى عايزها تبعد عني، وماما وأختي كان بيعمل مشاكل بيني وما بينهم.
طليقة سعد الصغير: بعتلي تهديدات
وأضافت برلنتي عامر زوجة سعد الصغير: وأنا حبيته كأب مش كزوج وهو حنين عليا بس أذاني وأنا مخدتوش من مراته هو اللي راجل مزواج وكان متجوز من شمس الرقاصة وحياته كلها كده وهو عمل المستحيل علشان يتجوزني لكنه أذاني دلوقتي، وأنا معايا فيديوهات بيقولي فيها لو انتي اتأذيتي يبقى أنا اللي أذيتك، وشمس الرقاصة كلمتني في بداية زواجنا وقالتلي خلي بالك من نفسك هيأذيكي، فهو قالي لأ بتغير ودي غيرانة ومش عارفة إيه لكن هو فعلا أذاني في سمعتي وعملي مصايب وبعتلي اعتذارات مع ناس لكن خلاص بعد إيه.
آخر أعمال سعد الصغير
يشار إلى أن من آخر أعمال المطرب سعد الصغير، أغنية أنا العريس، والتي طرحها على موقع يوتيوب منذ عام تقريبًا وحققت نجاحًا كبيرًا.
