شذى في برنامج أنا سعيد: عمري ما مريت بعلاقة عادية.. وأعيش حاليًا قصة حب
حلت الفنانة شذى ضيفة على برنامج أنا سعيد، الذي يقدمه الإعلامي سعيد جميل، عبر قناة القاهر والناس، وتحدثت خلال الحلقة عن العديد من الأسرار في حياتها، إلى جانب قصص الحب وأعمالها الغنائية.
وصرحت شذى خلال الحلقة، بأنها مرت بالعديد من العلاقات السامة في حياتها، قائلة: عمري ما مريت بعلاقة عادية، وبتكون ناس كويسة لكن مش عارفة المشكلة فين، إحنا في الأول بنمشي كويس وبعدين نزعل من كل حاجة كنا مبسوطين بيها.
شذى: أعيش قصة حب
وأشارت شذى إلى أنها تعيش حاليًا قصة حب، قائلة: بني آدم كويس وطيب ومحترم، لكن عنده كذا تجربة ماكنتش كويسة، وأنا ما عنديش مشكلة أقف جمبه، ومش عندي ثقافة نزعل كتير بحس إن عمرنا أغلى من أننا نضيعه بدل الزعل.
وعن رأيها في العلاقات التوكسيك، قالت: علاقات التوكسيك والنرجسيين زادت اليومين، لأن كل واحد عاوز يرتاح ومش بيدور على راحة التاني، لكن لو فكرنا أن العلاقة بين الاتنين هنرتاح، لكن الراجل عاوز مواصفات معينة والبنت عاوزة مواصفات معينة.
ولفتت شذى إلى أن الجيل الجديد من الشباب والفتيات يبحثون عن أشخاص تشبه أهلهم، قائلة: جيلنا غير جيل أهالينا لكن الراجل بيدور على واحدة شببه مماته، وده ظلم لوالدته وللشخصية اللي هيرتبط ببها، والبنت بتدور على واحد شبه باباها، لكن الجيل الحالي حياته مختلفة.
شذى: أنا سيدة قراري
إلى جانب ذلك تحدثت شذى عن صفاتها، قائلة: بحكم ظروفي لأن والدي متوفيين وأنا بنت وحيدة طول عمري، لذلك أنا سيدة قراري، وعندي المساحة اختار انا عاوزة إيه ومش عاوزة ايه وعندي مساحة اتحمل مسؤولية اختياري، وعندي خبرة لأني بشتغل وبني آدم مفكر.
