نسرينا فتاة إعلانات التسعينيات: اتشهرت بالصدفة.. وكنت صغيرة ومعنديش وعي ولحد دلوقتي بيذيعوا إعلاناتي
حلّت الفنانة نسرينا نجمة الإعلانات في التسعينيات، ضيفة على أحد البرامج التلفزيونية بعد غياب طويل، وتحدثت عن سبب اختفائها وكشفت العديد من الأسرار في حياتها الفنية.
وعن بداية مشوارها في الإعلانات قالت: لو تخيريني مكنتش اشتغلت وأنا صغيرة لأن مكنش عندي وعي ومش فاهمة، وشهرتي جت بالصدفة البحتة من عند ربنا.
وأشارت نسرينا، إلى أنها كانت ذاهبة مع شقيقتها وأصدقائهما إلى شركة إعلانات وكانت بعمر 13 سنة، وعندما رآها محمد سامي اقترح عليها أن تشارك في الإعلانات وفي نفس اليوم صورت إعلانًا، لافتة إلى أن بعد أول إعلان أصبح على تواصل معها، وقدمت بعدها العديد من الإعلانات التي حققت من خلالها شهرة كبيرة، مضيفة: بينزلوا إعلاناتي لحد دلوقتي، وبلاقي الناس مفقتداني وحباني وبيسألوا عليا أنتي فين ولكني توقفت.
نسرينا تتحدث عن الشائعات التي تعرضت لها
من ناحية أخرى، تحدثت نسرينا عن الشائعات التي تعرضت لها قائلة: أنا طول عمري بيطلع عليا شائعات، وقالوا إني اتجوزت وجوزي اعتدى عليا
ورمى على وشي مياه نار، وقالوا كمان إني اتجوزت ملياردير مع إن زمان مكنش فيه مليارديرات كان آخرنا مليونيرات.
واستكملت نسرينا: بعض الناس في الوسط الفني قالوا إني سافرت وسبت المجال ومبقتش موجودة، والله أعلم كانوا عايزين ياخدوا مكاني ولا لا ولكن في الآخر كل شيء قسمة ونصيب ويمكن لو كنت كملت في الإعلانات والتمثيل مكنش هيبقى كويس ليا وأنا عندي سلام نفسي وعارفة إني نجحت في حياتي.
وأردفت: ابني الكبير قال لي سبتي شغلك ليه وكيانك وذاتك؟ قلت له أنا نجحت في تربيتكم ودا بالنسبة لي نجاح إني وقفتك على رجلك واتخرجت وبتشتغل، وحسيت إني عملت الشيء اللي المفروض أعمله لأن والدهم مكنش فاضي وبيشتغل.
