بعد لفة موتوسيكل.. الفنانة نسرينا نجمة إعلانات التسعينيات تكشف قصة زواجها
كشفت الفنانة نسرينا نجمة إعلانات التسعينيات تفاصيل زواجها، إلى جانب حديثها عن أبنائها، وذلك بعد حلوها ضيفة على أحد البرامج بعد غياب لفترة طويلة عن الظهور.
وقالت نسرينا: كان ليا واحدة صاحبتي أنتيمة زوجي قلت لها نفسي آخد لفة بالموتوسيكل، قالت لي هكلم أشرف ياخدك لفة، وفعلًا اتقابلنا وخدني لفة ومن ساعة اللفة اتعرفنا على بعض واتجوزنا.
وأشارت نسرينا، إلى أنها كانت لا تمانع من أن يكون لدى زوجها صديقات، قائلة: بتقبل ده من زمان وبغير لكن مش أوي طالما مجتش عند كرامتي مفيش مشكلة.
وتحدثت نسرينا عن طليقها، قائلة: كان طيب فوق الوصف، ولما اتجوزنا كان عندي 15 سنة ونص وهو كان أكبر بـ 16 سنة، ومكنتش حاسة ده نهائي لأنه بيحب الحياة ولذيذ، وأكتر حاجة بيحبها شغله مش زي الرجالة، وكان بينزعج لما اتصل به كتير ويقول لي مشغول وكنت بتقبل ده، وانفصلنا بكل احترام ومحبة مع إن محدش فاهمه زيي ومحدش فاهمني زيه، وأنا مش عندي استعداد لأي علاقة حاليًا.
نسرينا تكشف إمكانية عودتها لزوجها
وعن إمكانية عودتها لزوجها مرة أخرى قالت: هو حاليًا عايش لوحده وأنا مع ولادي وده مخلي الرجوع صعب شوية لكن مش مستحيل.
كما تحدثت نسرينا عن ابنها، قائلة: ابني الكبير قرأ فاتحته على إحدى الفتيات، وإحنا صحاب وهي بنوتة لطيفة ومثقفة ومتعلمة وبنت ناس ومن أصل كريم ومش بتدخل، ومش بتحشر بينها وبين ابني لأنهم خدوا بعض عن حب وأكيد هيمروا بمشاكل ومش هينفع أنا كمان أكون ضاغطة عليهم.
