زيزي عادل: بسمع مصطفى حسني من قبل ما أعتزل لأنه بيقدر يوصلي المعلومة
كشفت الفنانة زيزي عادل سبب حبها للداعية مصطفى حسني، مشيرة إلى أنها تستمع له قبل اعتزالها.
وقالت زيزي عادل في أول لقاء تلفزيوني لها بعد إعلان اعتزالها الغناء في شهر أبريل الماضي: كل شخص عنده حد بيحب يسمعه ويسمع آرائه من الشيوخ، وأنا بحب أسمع مصطفى حسني وعامله له متابعة من قبل ما أعتزل، لأني بحب كلامه وبتفرج على فيديوهاته ومنها حاجات عن التسامح وهو بيقدر يوصلي المعلومة بطريقة حلوة وكلامه مريح، ولما قابلته شخصيا ارتحت وناس كتير حسدتني على المقابلة دي.
في السياق ذاته، نفت زيزي عادل زواجها من داعية إسلامي وإقناعه لها بالاعتزال، وقالت: قالوا إني اتجوزت داعية وهو اللي أقنعني أعتزل وأنا معرفش ليه بيجوزوني كتير كدا، ودي بشرة خير ويا رب أتجوز بس دا مكنش حقيقي والاعتزال مكنش ليه علاقة بالارتباط أو الجواز.
قرار اعتزال من عند ربنا
واستكملت: قرار اعتزالي من عند الله، وحسيت كأنه بعتلي وقالي سيبي الفن وحاجة بتحصل بدون وصف وكأن ربنا بيقولي كفاية هزار تعالي بقى ونعمل للي جاي، ومش صح الست تتحجب عشان زوج لأنه هيكون عن عدم اقتناع..
وأردفت: أنا اكتشفت إني هاخد معايا أعمالي وبدأت أفكر إني مش مستعدة أقابل ربنا بـ حياة المطربة، وكنت عايزة أحس إني مستعدة أقابل ربنا لأن محدش صغير على الموت.
