مرتضى منصور يوضح حقيقة الحجز علي غرامة كهربا.. ويشكو التعاون السعودي للفيفا
كشف مرتضى منصور رئيس الزمالك عن حقيقة الحجز على فلوس غرامة كهربا، لاعب النادي الأهلي في حالة دفعها، مؤكدا أنه لا يوجد من يقول الهارب كهربا، ولا يوجد من يتكلم عليه في الإعلام ويقول الهارب، ولكن يُقال فقط هيلعب غصب عنكم، وهيشارك في كأس العالم للأندية.
وقال منصور في مداخلة هاتفية عبر قناة ناديه " هعلمكم القانون الـ بيقول كهربا هيحط الفلوس في الحساب المحجوز عليه، والزمالك مش هيا خدهم، بقوله الحساب اتقفل على المبلغ اللي اتحجز عليه، وأي فلوس جديدة باخدها عادي، بفهم الجهلاء فيه فلوس دخلت وأخدناها بشكل طبيعي، لأنه مجرد مابتعمل إقرار بالذمة المالية وقت الحجز الحساب بيتقفل ".
وواصل رئيس نادي الزمالك توجيه رسائله القوية، مؤكدا أن النادي تقدم بشكوى في الفيفا للحصول على باقي قيمة بيع فتحي لنادي التعاون السعودي، والمقدرة بقيمة 400 ألف دولار، ونفس الأمر للاتحاد السعودي المحترم، لأن ما يحدث من التعاون إساءة لهم ".
وقال مرتضى منصور" الولد مصطفى فتحي معندوش دم، ومحمد صبري لما جابك كنت أيه، وأبوك كان بيجيلي بقولي الولد معمول له سحر وعيطت علشان عاوز تحترف، لنا 400 ألف دولار أي مايوازي 12 مليون جنيه عند نادي التعاون، أنت هتنصب علينا يا نادي التعاون؟
المفروض مصطفى يقولهم ادفعوا فلوس الزمالك، لأنه الـ رباني وخيره عليا ".
