بعد الهجوم على شيخ الأزهر.. عمرو يوسف: يؤسفني إن لسه فيه حد بيقول لا يجوز تهنئة المسيحيين
رد الفنان عمرو يوسف على الانتقادات التي تعرض لها بعد الفيديو الذي ظهر فيه لدعم لمستشفى 57357.
وقال عمرو يوسف عبر مداخلة هاتفية في أحد البرامج التلفزيونية: مش مصدق إن فيه ناس يطلع منها كلام زي ده، أنا بكلمك عن مستشفى فيها أطفال محتاجين علاج، وشغالة على على مدار السنوات اللي فاتت بفلوسنا وفلوس المصريين، كامل احترامي لكل الدكاترة اللي بيعلموا مجهود خرافي وإحنا بندفع وبنقومها ومينفعش نسيبها تقع لأنها من أحسن المستشفيات.
كما عبّر عمرو يوسف عن استيائه من الهجوم الذي تعرض له شيخ الأزهر أحمد الطيب بعد تهنئة المسيحيين، قائلًا: حتى شيخ الأزهر أحمد الطيب اتهاجم لما نزل بوست بيهني فيه إخواتنا المسيحيين، إحنا وصلنا لأنهي مرحلة، يؤسفني إن لغاية يومنا هذا وفيه حد بيقول لا يجوز إننا نهني المسيحيين، والموضوعين مش مفصلوين عن بعض.
وأكد عمرو يوسف، أن الفيديو الذي دعم من خلاله مستشفى 57357، خرج من قلبه قائلًا: اللي بيطلع من القلب بيوصل للقلب، والمستشفى دي مفيش زيها في دول عربية أغنى مننا وأنا اتفرجت على حاجات في المستشفى تؤكد إنه صرح كبير.
واستكمل: مستشفى 57357 صرح كبير لا يصح أن نتركه ينهار وأنا عارف أن فيه أزمة اقتصادية طاحنة على الجميع ولكن مينفعش نقطع أو نمنع الدعم عنها والمستشفى محتاجة والأطفال محتاجين ويتم تقديم خدمات على أعلى مستوى في المستشفى.
