مايا دياب: لا أؤمن بالمساواة بين الرجل والمرأة.. وأتمنى أكون رئيسة لبنان
كشفت الفنانة مايا دياب، رأيها في فكرة المساواة بين المرأة والرجل، مؤكدة أنها تؤمن بـ مبدأ المشاركة وليس المساواة، بجانب الحديث عن خضوعها لبعض عمليات التجميل.
وقالت مايا دياب في تصريحات تلفزيونية: أنا خسرت أشخاص بسبب أرائي بس شايفة أنهم اللي خسروني مش أنا، ولو شخص بعد عني من أجل أرائي هو لا يستحقني، وأنا بتضايق لما بلاقي الفنانين بيتكلموا على المساواة بين المرأة والرجل بشكل سطحي ومين فتح الباب لمين ومين مشي قدام مين، دي سخافة، وبكون عايزة أقول للفنان أسكت وأقعد في بيتك أحسن، وأنا قررت اسميها حياة المشاركة مش المساواة.
وأضافت مايا دياب: أنا عايزة المساواة في القوانين والأحوال الشخصية والعمل لأني فرد في الدنيا ومش عايزة الراجل يبصلي إني ست لا أنا عايزاه يتعامل معي كإنسان زيي زيه، وفي النهاية أنا حياتي مش هتكمل بدون رجل لأنه الحب والحنان والعطاء والسند، وهو كل شيء في الدنيا زي ما أنا كل شيء بالنسباله.
وواصلت مايا دياب حديثها قائلة: لو الراجل قلل من فكرة المساواة ويقول هو إنتي تقدري تشيلي 100 كيلو زيي؟ بقوله الخالق خلقنا مختلفين لأني بقدر أكون زي الراجل وأعمل عضلات ولكني بحب أكون أنثى بشكلي الحلو ودي مش المساواة اللي بنتكلم عنها أحنا بنتكلم عن القوانين وحق المرأة في تولي وظائف مهمة، وعندنا في لبنان صراع أديان وطوائف بشكل بشع ومع ذلك كان نفسي أكون رئيسة دولة لأننا محتاجين امرأة قائدة لأننا تفكيرنا مختلف عن الرجل.
