السيسي: 3 آلاف شهيد و13 ألف مُصاب دفعوا الثمن علشان البلد دي تكون موجودة
قال الرئيس عبد الفتاح السيسي، موجها حديثه لـ عمرو أحد شباب قادرون باختلاف: كل اللي بيسمعني.. إن في اليوم ده احنا اللي هنقول احنا لينا مكان معاهم؟.. وانتوا لو قلتوا آه.. هنيجي ولو قولتوا لا هيبقى موقفنا صعب أوي.
وأجاب الرئيس السيسي، على سؤال أحد شباب قادرون باختلاف، بشأن أكثر موقف خوفت في على مصر، ليجيب السيسي: الخوف على مصر على طول دائم في فترة 2011 و2013 و2014، وأما حصل الإرهاب وتفجيرات الكنائس والمساجد وأيضًا مديريات الأمن الداخلية.. في الوقت ده كان أي حد يشوف مصر يقول خلاص.
احتفالية قادرون باختلاف
وأضاف السيسي، خلال إجابته على بعض أسئلة ذوي الهمم، أثناء احتفالية قادرون باختلاف، ضمن فقرة اسأل الرئيس: مش عاوز غير نفتكر الذكريات دي عشان نخلي بالنا.. كان في شباب من مصر والجيش والشرطة والقضاء مسيحي ومسلم دون تمييز.. دفعوا ثمنا كبيرا علشان البلد تكون بالهدوء والسلام ده.
وتابع: بقول للشباب حافظوا على اللي ربنا وقف معانا فيه وحمى البلد دي.. احنا فقدنا 3000 شهيد و13 ألف شخص بـ إصابة مؤذية ميقدرش يبقى طبيعي بعد كدة، مردفا: ناس قدمت حياتها علشان في الآخر نكون كدة دلوقتي، واسمحولي نوجلهلم التحية والسلام.
ووصل الرئيس عبد الفتاح السيسي، صباح اليوم إلى مقر، احتفالية "قادرون باختلاف"، في نسختها الرابعة لأصحاب الهمم وذوي القدرات الخاصة بمركز المنارة للمؤتمرات الدولية بالقاهرة الجديدة، بعنوان لينا مكان.
وحرص الرئيس عبدالفتاح السيسي منذ توليه الحكم، على الاهتمام بذوي الهمم، حيث شهد ملف ذوي الهمم طفرة غير مسبوقة خلال السنوات القليلة الماضية.
ووجه الرئيس عبدالفتاح السيسي، برعاية وتأهيل الأشخاص ذوي الاحتياجات الخاصة، في إطار حرص الدولة على ضمان حقوقهم، الذي لا يُدع مناسبة أو احتفالية إلا وأكد أنهم شريكًا أساسيًا في الوطن، ويعتبرهم كنزا في المجتمع.
