رامي صبري: المهرجانات نوع مزيكا تحت أوي.. ومينفعش حد يعمل أغنية بـ 3 جنيه وتضرب
علق الفنان رامي صبري، لأول مرة على أغاني المهرجانات، مؤكدًا أنه ليس ضد هذا النوع من الموسيقى، ولكنه ضد أن تكون المهرجانات ممثلة للفن المصري في الخارج.
وقال رامي صبري، في مداخلة هاتفية ببرنامج التاسعة الذي تقدمه الإعلامية شافكي المنيري، والمذاع عبر شاشة قناة الأولى المصرية، عن أغاني المهرجانات: في العصر ده مبنبقاش بندور على الجودة وممكن واحد يعمل أغنية بـ 2 جنيه وتضرب، وفي مطربين تانيين بيحصل لهم حالة أنا ليه أتعب وأعمل أغنية وكليب ويطلع حد تاني يعمل أغنية مهرجان بـ 3 جنيه ويعديني.
وأضاف: موجة المهرجان هو مزيكا طول عمرها موجودة مش جديدة هو والراب، وكل 20 أو 30 سنة بيحصل في كل المجالات الناس بتحب حاجة فترة وترجع تاني، والمهرجان مش هيفكرك بأهلك ولا وطنك ولكن هيرقص بس، وأنا مش ضد أي نوع من أنواع الفنون، والمهرحانات فن، هو مش محمد رمضان بيعمل مهرجانات؟ وليه جمهوره والمهرجانات ليها جمهورها؟.
وأكد رامي صبري، أنه يغضب عندما يُعتقد أن المهرجانات تمثل الفن المصري في الخارج، قائلًا: أنا أزعل لأن المهرجان مينفعش يكون رقم 1 في مصر، والمهرجان نوع من أنواع المزيكا اللي تحت أوي، وأنا ضد إن أي فنان يقدم المهرجان علشان يطلع تريند وينجح، ومينفعش يقدم الشكل ده ولو نجح مرة مش هينجح تاني.
حفلات رامي صبري في رأس السنة 2023
كما كشف الفنان رامي صبري، خلال تصريحاته عن تفاصيل حفلاته في رأس السنة 2023، موضحًا: أنا السنة دي في مصر هعمل 3 حفلات في مصر، وبحب رأس السنة في مصر لأنها أحلى بلد في العالم وبحب الجمهور المصري، وفي قاعات الحفلات رأس السنة بيكون 40% بس مصري والـ 60% من الوطن العربي.
