عمر كمال يدخل في نوبة بكاء: تعبت والناس ظلمتنى السنة اللى فاتت| فيديو
حل المطرب عمر كمال ضيفا على برنامج "يحدث في مصر" الذي يقدمه الإعلامي شريف عامر عبر فضائية "MBC مصر"، مساء الخميس.
ودخل عمر كمال في نوبة بكاء خلال اللقاء، بعدما كشف عن عدد من المواقف الصعبة التي تعرض لها خلال حياته، قائلًا: "تعبت جدا في حياتى عشان أوصل للناس، والناس ظلمتنى أوي خصوصًا السنة اللى فاتت (2022) وكانت فيه كومنتات كراهية محبتهاش".
وتابع الفنان عمر كمال: الدنيا كلها كسرت بخاطري، لما جيت من السويس للقاهرة، كان معه 10 جنيهات فقط، معقبا: "قولت لنفسى بـ 10جنيه دى هنجح وأعمل كل حاجة نفسي فيها أو هفشل واستخبى في أي بلد، وأول مرة أغني في فرح شعبي غنيت موال والجمهور طلب مني إنهاء الفقرة، حتى البنت اللى حبيتها كسرتني وحسستني إنها مش متشرفة بيا.
الرزق بييجي للواحد لغاية عنده
واستطرد الفنان عمر كمال: "ربنا رضاني.. وبعدها واتأكدت إن الرزق بييجي للواحد لغاية عنده بس هو يبقى راضي".
وواصل عمر كمال: "أتمنى أتجوز في 2023 واحدة تراعي ربنا فيا، وتحبني لشخصي ويبقى عندي استقرار في حياتي وربنا يرزقني برزقها، عايز واحدة تحبني بجد ونفسي تكون ذكية وتفهم في شغلي لأني طول اليوم بقعد أفكر كتير لوحدي، فعايزها تساعدني وتشيل عني وترتبلي حياتي وتكون حلوة عشان ما أبصش برا".
