أحمد موسى: هنفضل ندعم بلدنا واللي زعلان مننا يشرب من البحر
قال الإعلامي أحمد موسى، إن الإعلام المصري سيدعم الدولة المصرية، مضيفًا: هنفضل ندعم بلدنا واللي زعلان مننا يشرب من البحر.
فيه حرب من داخل البلد وخارج البلد
وأضاف الإعلامي أحمد موسى، خلال برنامج على مسئوليتي مساء اليوم السبت: فيه ناس مش عايز الإعلام يقف مع مصر.. سأظل داعم للوطن ضد الخونة والأعداء.. فيه حرب من داخل البلد وخارج البلد.
الإعلام المصري هيفضل داعم ومساند لبلده
وتابع أحمد موسى: إزاي تقارن اللي قعد في بلده رغم التهديدات ولم يهرب منها.. الإعلام المصري هيفضل داعم ومساند لبلده ولن يتخلى عنه.
وأكمل الإعلامي أحمد موسى: كان فيه ناس بيطلعوا مخصوص في قنوات الشر عشان يهتفوا ضد الجيش والشرطة ليل ونهار، وبفضل ربنا كل مؤشرات الرصد الإعلامي خلال 2022 تتحدث عن برنامجي كأفضل برنامج توك شو.. كلامك مجرد سفاسف لا يعنيني على الإطلاق.
واختتم الإعلامي أحمد موسى: إحنا عندنا حاجة واحدة بس هي مصر، ولما شعبنا يكون عنده أزمة بنطلع نتكلم من خلال البرنامج.. وعمرنا ما هنتخلى عن رسالتنا الإعلامية رغم الانتقادات، واللي مش عاجبه عنده بحرين يشرب منهم.
