أحمد زاهر بعد تصريحاته عن صعوبة التمثيل: هو فيه دكتور يقدر يعمل عملية لمدة 36 ساعة متواصلة؟
علق الفنان أحمد زاهر، على تصدره تريند مواقع التواصل الاجتماعي في عام 2022 بعد تصريحاته عن صعوبة مهنة التمثيل ووصفها بأنها من أصعب المهن التي يمتهنها الشخص في حياته.
وقال أحمد زاهر، خلال حواره مع برنامج The Insider بالعربي: الموضوع ده ضايقني جدًا لأني بتكلم بشكل عادي جدًا، وبتكلم إن مهنتي من أصعب المهن ولكني مقللتش من أي مهنة تانية على الإطلاق وكل المهن على راسي حتى الناس اللي في الشارع على راسي، وكل واحد له مهنة أكيد ليه ناس بتحتاجها.
وتابع: أنا بتكلم على مهنتي إن مفيش حد يقدر يفضل ذهنه صاحي لمدة 37 و48 ساعة متواصلة وأنا بمثل بوشي، يعني لازم أكون مركز وداخل في الشخصية، أنا مش بتكلم على صعوبة المهن ولكن بتكلم على صعوبة توقيتاتها.
وأضاف: مفيش حد يقدر يستحمل ده، هو فيه دكتور يقدر يعمل عملية لمدة 36 ساعة؟ ده هينام في وسط العملية وهيكون فيه خطورة على العملية.
أحمد زاهر
وعلى جانب آخر، سبق أكشف الفنان أحمد زاهر، لـ القاهرة 24، كيفية اختياره للأدوار، قائلًا: بتأنى في شغلي وشغل بناتي ولو لقيت حاجة كويسة أوي بشتغلها لو مش كويسة أفضل السكوت والقعدة في البيت ليا ولولادي أنا عند الناس في حتة إني ممثل كويس وبختار كويس ومش مسألة شهرة وتواجد لكني بنقي اختياراتي علشان كده ده اللي مأخرني.
